TYA

Türkmenistanyň Ylymlar akademiýasy Halkara Bäsleşik yglan edýär

2023-06-15 12:23:03

04/11/2022

Türkmenistanyň Ylymlar akademiýasy tor ulgamynyň we ylmy barlag institutlarynyň barlaghana enjamlaryny we serişdelerini satyn almak boýunça HALKARA BÄSLEŞIK yglan edýär.

Türkmenistan gazeti № 288. 04-11-2022

Bäsleşige hödürlenilýän teklipler şu habar çap edilenden soňra 20 (ýigrimi) iş gününiň dowamynda kabul edilýär. Bäsleşige gatnaşmak üçin resminamalary üpjün etmek boýunça şertler, möçberler we beýleki materiallar baradaky maglumatlary bäsleşik toparyndan ýüztutmalar esasynda hem-de https://science.gov.tm internet sahypasyndan alyp bilersiňiz.

Salgysy: Aşgabat şäheriniň Bitarap Türkmenistan şaýolunyň 15nji jaýy, Türkmenistanyň Ylymlar akademiýasy.

Telefon belgileri: 94-30-70; 94-10-77

Türkmenistan Ylymlar akademiýasy halkara bäsleşigini gaýtadan yglan etdýär

2023-06-15 12:31:55

21/12/2022

Türkmenistan Ylymlar akademiýasy halkara bäsleşigini gaýtadan yglan etdýär

LOT №1 - Kompýuterler, printerler, skanerler we programma üpjünçiligi.

LOT №2 - Telekommunikasiýa enjamlary we goşundylary.

LOT №3 - Laboratoriýa enjamlary.

LOT №4 - Seýsmiki, geofiziki enjamlar we ätiýaçlyk şaýlary.

Bäsleşige gatnaşmak üçin ýüztutmalar "Bitarap Türkmenistan" gazetinde hem-de "Нейтральный Туркменистан" gazetinde bu tenderiň yglan edilen gününden başlap 40 (kyrk) iş gününiň dowamynda kabul edilýär, 40-njy iş güni ýerli wagt bilen 16:00-dan gijä galman kabul edilýär. Bäsleşige gatnaşmak we halkara bäsleşigiň şertleri barada goşmaça maglumatlary almak üçin aşakdaky salgylardan peýdalanyp bilersiňiz:

Addres: 744000. Aşgabat, Bitarap Türkmenistan Şaýoly, 15

Web saýty: science.gov.tm

Telefon belgileri: 94-30-70, 94-10-77

Türkmenistanyň Ylymlar akademiýasy hoşallyk maslahatyny geçirdi

2023-06-15 12:36:11

24/12/2022

Hormatly Prezidentimiziň “Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaraly bellemek boýunça geçirilmeli çäreleriň Meýilnamasyny” tassyklap bermegi mynasybetli Türkmenistanyň Ylymlar akademiýasy hoşallyk maslahatyny geçirdi

Täze ýyl baýramynyň öňüsyrasynda 2022-nji ýylyň 23-nji dekabrynda Hormatly Prezidentimiziň sanly ulgam arkaly geçiren Ministrler Kabinetiniň nobatdaky mejlisinde “Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny dabaraly bellemek boýunça geçirilmeli çäreleriň Meýilnamasynyň” tassyklanmagy mynasybetli Türkmenistanyň Ylymlar akademiýasynda hoşallyk maslahaty geçirildi. Maslahata ýurdumyzyň ylmy jemgyýetçiliginiň wekilleri bilen birlikde Meýilnamada göz öňünde tutulan çäreleriň ýerine ýetirilmegini üpjün etmek tabşyrylan ministrlikleriň we pudaklaýyn dolandyryş edaralarynyň wekilleri gatnaşdylar. Türkmenistanyň Milli Geňeşiniň Halk Maslahatynyň agzasy, Mejlisiniň deputaty, Türkmenistanyň Daşary işler, Bilim we Medeniýet ministrliklerinden, Türkmen Döwlet Neşiriýat gullugyndan gatnaşyp çykyş eden wekiller bilen birlikde Türkmenistanyň Ylymlar akademiýasynyň ylmy-barlag institutlaryndan alymlar Magtymguly Pyragynyň dünýä edebiýatynyň altyn hazynasyna giren baý we gymmatly edebi mirasyny ylmy esasda öwrenmek boýunça alyp barýan işlerini beýan etdiler.

Tassyklanan meýilnamanyň Türkmenistanyň Prezidentiniň 2021-nji ýylyň 12-nji fewralynda çykaran “Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny bellemek hakynda” Kararyna laýyklykda TYA-nyň Magtymguly adyndaky Dil, edebiýat we milli golýazmalar instituty tarapyndan işlenip taýýarlanandygyny bellemeli. Magtymguly Pyragynyň doglan gününiň 300 ýyllygyny halkara derejede belläp geçmek maksady bilen tassyklanan bu meýilnamada ýüzlerçe çäreler 2023-2024-nji ýyllarda ýurdumyzda we daşary döwletlerde geçirilmek göz öňüne tutulan. Şunuň bilen baglylykda, 2023-2024-nji ýyllarda geçiriljek çäreler türkmen halkynyň beýik akyldarynyň dünýä edebiýatynyň altyn hazynasyndan mynasyp orun alan baý we gymmatly edebi mirasyny ylmy esasda öwrenmäge gönükdiriler. Bu şanly sene Birleşen Milletler Guramasynyň Bilim, ylym we medeniýet meseleleri boýunça guramasy hem-de Türki medeniýetiň halkara guramasy bilen bilelikde baýram ediler. Ýurdumyzda hem-de daşary ýurtlarda halkara ylmy maslahatlary, tanyşdyrylyş dabaralaryny, sergileri, döredijilik duşuşyklaryny we beýleki möhüm ähmiýetli çäreleri geçirmek meýilleşdirilýär.

Çäreleriň hatarynda Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar instituty tarapyndan hödürlenen “Magtymguly Pyragynyň golýazmalar toplumyny (ΧVΙΙΙ asyr)” ÝUNESKO-nyň “Dünýä hatyrasy” halkara maksatnamasyna girizmek boýunça wezipeler hem bar.

Her ýylyň 27-nji iýunynda ýurdumyzyň Medeniýet we sungat işgärleriniň gününiň Magtymguly Pyragynyň şygryýet güni bilen utgaşykly bellenilmeginiň uly manysy bardyr. Akyldar şahyrymyz Magtymguly Pyragynyň “Berkarar döwlet islärin” diýip, Garaşsyz döwlet, erkinlik, ynsanperwerlik hakyndaky arzuw-islegleri bu gün ajaýyp döwrümizde hasyl boldy.

Türkmenistanyň Ylymlar akademiýasy we Özbegistan Respublikasynyň Innowasion ösüş ministrligi başlangyç ylmy-barlag taslamalarynyň bilelikdäki bäsleşigini yglan edýär

2023-06-15 12:40:44

12/01/2023

Türkmenistanyň Ylymlar akademiýasynyň we Özbegistan Respublikasynyň Innowasion ösüş ministrliginiň arasyndaky 2022-nji ýylyň 14-nji iýulyndaky başlangyç ylmy-barlag taslamalarynyň bilelikdäki bäsleşigini geçirmek baradaky Ylalaşygy durmuşa geçirmek maksady bilen Türkmenistanyň Ylymlar akademiýasy başlangyç ylmy-barlag taslamalaryny bilelikde ýerine ýetirmeklige şu aşakdaky ugurlar boýunça bäsleşigi yglan edýär:

Nanotehnologiýalar, himiýa tehnologiýalary, täze materiallary öwrenmek we energetika.
Biotehnologiýalar, molekulýar biologiýa, oba hojalygy, ekologiýa we genetika.
Häzirki zaman saglygy goraýyşy we derman serişdelerini öndürmegiň tehnologiýasy.
Ynsanperwer ylymlar.

Bäsleşige gatnaşýanlara bildirilýän talaplar:

Bilelikdäki hödürlenýän taslamalar türkmen we özbek gatnaşyjylary tarapyndan öňünden ylalaşylmaly, soňra Türkmenistanyň Ylymlar akademiýasynda 2023-nji ýylyň 31-nji martyna çenli hasaba alynmaly;
Taslamalar türkmen we özbek alymlaryndan düzülen toparlar arkaly ýerine ýetirilmeli, onuň düzümine doktorantlar we aspirantlar goşulyp bilner;
Taslamanyň ady türkmen we özbek sargytlarynda birmeňzeş bolmaly;
Ara alyp maslahatlaşmak üçin diňe bäsleşigiň şertlerine laýyklykda resmileşdirilen taslama teklipleri kabul edilýär;
Her bir alyma diňe bir taslama ýolbaşçylyk etmäge rugsat berilýär;
Bäsleşige hödürlenýän taslamanyň ady we mazmuny öň ýerine ýetirilen ylmy işler bilen gabat gelmeli däldir. Bu şertiň berjaý edilmegine jogapkärçilik taslamanyň ýolbaşçysynyň üstüne ýüklenýär.

Bäsleşige gatnaşmak üçin resminamalar toplumyny Türkmenistanyň Ylymlar akademiýasyndan almak mümkin.
Bäsleşige gatnaşmak üçin talaplara laýyk doldurylan resminamalaryň toplumyny aşakda görkezilen salga ibermeli:
744000, Türkmenistan, Aşgabat şäheri, Bitarap Türkmenistan şaýoly, 15. Türkmenistanyň Ylymlar akademiýasy.
Bäsleşige gatnaşmak üçin resminamalaryň toplumy 2023-nji ýylyň 31-nji martyna çenli kabul edilýär.
Habarlaşmak üçin telefonlar: 94 30 89, 94 14 52
Degişli talaplara we görnüşe laýyklykda resmileşdirilmedik resminamalar toplumy yzyna gaýtarylmaýar.

«Arkadag Serdarly bagtyýar ýaşlar ýyly» mynasybetli ýaşlaryň arasynda ylmy işler boýunça «Ýokary tehnologiýalar we innowasion işläp taýýarlamalar» atly halkara bäsleşiginiň geçirilýändigi barada

2023-06-15 12:53:54

20/03/2023

Türkmenistanyň Ylymlar akademiýasy, Türkmenistanyň Bilim ministrligi we Türkmenistanyň Magtymguly adyndaky Ýaşlar guramasynyň Merkezi Geňeşi
2023-nji ýylyň 1-nji martyndan 2023-nji ýylyň 10-njy oktýabry aralygynda ýaşy
35-e çenli bolan ýaşlaryň arasynda "Ýokary tehnologiýalar we innowasion işläp taýýarlamalar" atly halkara bäsleşik geçirýär.

Bäsleşigiň iş dilleri: türkmen, iňlis we rus.

Bäsleşigie hödürlenilýän ylmy-barlag işleri ylmyň aşakdaky ileri tutulýan ugurlaryna laýyklykda kabul edilýär:

1) nanotehnologiýalar;

2) himiki tehnologiýalar;

3) täze materiallary öwrenmek;

4) energetika;

5) biotehnologiýa;

6) molekulýar biologiýa;

7) oba hojalygy;

8) ekologiýa;

9) genetika.

Bäsleşige gatnaşmak üçin degişli resminamalar 2023-nji ýylyň 1-nji maýyna çenli kabul edilýär.

Ylmy-barlag işleri bahalandyrmak we jemini jemlemek daşary ýurt döwletleriniň hem-de Türkmenistanyň alymlaryndan düzülen Eminler topary tarapyndan amala aşyrylýar. Eminler toparynyň düzümi Guramaçylar tarapyndan tassyklanylýar.

Birinji tapgyrda ylmy-barlag işleri seljerilýär hem-de wajyplygyna görä saýlananlar indiki tapgyra geçirilýär.

Ikinji tapgyrda bäsleşige gatnaşyjylar işiň mazmunyny doly açyp görkezmek üçin onlaýn görnüşinde diňlenilýär.

Bäsleşige gatnaşmaga isleg bildirýänler zerur maglumatlary tabşyrmak üçin degişli düzgünnamanyň şertlerini we talaplary ny berjaý etmelidirler.

Türkmenistanyň Magtymguly adyndaky Ýaşlar guramasynyň Merkezi Geňeşiniň salgysy: Aşgabat şäheri, Garaşsyzlyk şaýoly, 104.

Habarlaşmak üçin telefon belgileri: +993 12 44-88-79, +993 12 44-88-73

Elektron salgysy:

scientificwork.tm@gmail.com

«Geçiş ykdysadyýetli döwletler üçin senagat telekeçiligini dolandyrmakda magistr maksatnamasyny kämilleşdirmek» MIETC boýunça işler ýerine ýetirildi

2024-01-15 00:00:00

15/11/2023

Taslamanyň işine daşary ýurtlardan Ispaniýa Patyşalygynyň Santýago de Kompostela uniwersiteti (taslamany Ýewropa tarapyndan utgaşdyryjy), Italiýa Respublikasynyň Neapoldaky Federiko II uniwersiteti, Sloweniýa Respublikasynyň Lýublyana uniwersiteti, D.Serikbaýew adyndaky Gündogar Gazagystan döwlet Tehniki uniwersiteti, Gazagystan Respublikasynyň Alyjylar Bileleşiginiň Karaganda uniwersiteti, Täjigistan döwlet söwda uniwersiteti, Täjigistan Tehnologiýa uniwersiteti gatnaşdylar.

Taslamanyň esasy maksady:
Türkmenistanyň ylym-bilim ulgamynda senagat ykdysadyýeti boýunça döwrebap okuw maksatnamalaryny kämilleşdirmäge ýardam etmekden ybarat. Taslamanyň çäklerinde halkara ülňülerine laýyk gelýän okuw meýilnamalaryny we maksatnamalaryny işläp taýýarlamak, senagat ykdysadyýeti boýunça 30-a golaý hünärmenleriň bilim derejelerini ýokarlandyrmak hem-de hyzmatdaş edaralar üçin tehniki kömek we okuw materiallaryny bermek göz öňünde tutuldy.

Ýewropa Bileleşiginiň maksatnamasy bilim ulgamynda we ýaş hünärmenleri taýýarlamakda Ýewropada we halkara hyzmatdaşlygy pudagynda 20 ýyldan gowrak tejribelerde gazanylan üstünliklere esaslanýar. Ýewropa Bileleşiginiň ERASMUS + okuw maksatnamasy, bilimiň dürli ugurlarynda özara gatnaşyklary ösdürmegi, täze zähmet bazaryna gatnaşyjylary çekmegi, täze pikirleri we hyzmatdaşlygyň täze görnüşlerini höweslendirmegi maksat edinýär.
Ýokary bilimiň hilini ýokarlandyrmak we bazar ykdysadyýeti hem-de jemgyýet üçin ähmiýetini güýçlendirmek. Ýokary bilim edaralarynyň we bilim ulgamlarynyň öňünde durýan kynçylyklary çözmekde degişli hyzmatdaş ýurtlara goldaw bermek, şol sanda hil, ýerliklilik, deňhukukly elýeterlilik, meýilnamalaşdyrmak, resminama tabşyrmak, dolandyrmak boýunça hyzmatdaşlyk etmek.

MIETC taslamasyna gatnaşýan akademiki hyzmatdaşlar okuw meýilnamalaryny döwrebaplaşdyryp, bilim ýagdaýlaryny hakyky ýagdaýlar we goşmaça gymmatly okuw teklipleri bilen täzeläp bilmek mümkinçiligini gözleýärler. Hyzmatdaşlar akademiki gatnaşyjylar bilen hyzmatdaşlyk edip, olary hakyky önümçilik meseleleri, tejribe we iş mümkinçilikleri bilen üpjün edýär we şeýle hyzmatdaşlyk täze döredilen bilim meýilnamalarynyň ähmiýetini kepillendirýär.
Kick-off duşuşygy: hyzmatdaşlaryň ilkinji tanyşlyk duşuşygy, aslynda Santýago de Kompostela uniwersitetinde geçirilmelidi, ýöne pandemiýa sebäpli 2020-nji ýylyň 12-nji we 13 nji martynda onlaýn ýagdaýda guraldy.

2020-nji ýylyň 8-nji iýulynda Taslamanyň web sahypasyny we wizual şahsyýetini ara alyp maslahatlaşmak üçin taslamanyň geňeş agzalarynyň onlaýn ýygnagy geçirildi.
2020-nji ýylyň 29-njy sentýabrynda Taslamany durmuşa geçirmegiň ýagdaýy we meýilnamalaşdyrylyşy barada pikir alyşmak üçin onlaýn utgaşdyryş ýygnagy geçirildi.
Türkmen hyzmatdaşlary we utgaşdyryjy dürli meseleleri ara alyp maslahatlaşmak üçin birnäçe onlaýn duşuşyk geçirdiler (17/03/2020, 07/04/2020 we 27/10/2020).
Taslamanyň web sahypasy www.mietc.unina.it döredildi.
Türkmen tarapyndan taslamanyň hyzmatdaş ýokary okuw mekdepleri bolan Turkmen Döwlet ykdysadyýet we dolandyryş hem-de Turkmen Döwlet maliýe institutlarynyň her haýsyna dört sany kompýuter enjamlary, printerler we olaryň ätiýaçlandyryş kartrijleri, web kameralar berildi hem-de gurnaldy.
COVID 19 pandemiýasy öýde işleýän we internete girmekde kynçylyk çekýän adamlar bilen iş we içerki proseduralary haýallandyrdy. Pandemiýa ähli derejelerde aragatnaşyga päsgel berýän gatnaşyjy ýurtlarda dürli pursatlarda we tizlikde ösdi. Her bir hyzmatdaş täze hakykata uýgunlaşmak üçin zerur çäreleri gördi. Konsorsium ýokarda agzalan kynçylyklary azaltmak, aragatnaşyk we hyzmatdaşlygy güýçlendirmek üçin içerki aragatnaşyk we utgaşdyryş meýilnamasy barada hyzmatdaşlar bilen ylalaşdy.

COVID 19 pandemiýasy esasan iki meselede käbir gijikdirmelere sebäp boldy:

Hünär ulgamynyň ösmegi gyzyklanýan taraplaryň seminarlaryny guramak üçin hyzmatdaş uniwersitetleriň hünärmenleriniň syýahat etmek mümkinçiligine täsir etdi.
Pandemiýa hil meýilnamasynyň işlenip düzülmeginde we ýaýratmak meýilnamasynda kesgitlenen käbir hereketleriň ulanylmagynda gijikdirmelere sebäp boldy.

Iş çäreler: Iş meýilnamasyny ara alyp maslahatlaşmak we täzeden gözden geçirmek üçin konsorsium tarapyndan iki gezek onlaýn duşuşyk geçirildi. Iş meýilnamasy hyzmatdaşlyga WP2 ni M11-de gutarmaga we 2021-nji ýylyň iýulyna çenli (M19) asyl WP3 senenamasyny tapmaga mümkinçilik berer.

Telekeçiler merkezlerini döretmek boýunça okuw P14 we P1 tarapyndan geçirildi. 27-nji ýanwarda 3 sagatlyk sapakdan, 38 onlaýn gatnaşyjydan we 3-nji fewralda 11 gatnaşyjy bilen USC Telekeçilik Merkezine baryp görmekden ybarat boldy. “Gazagystan Respublikasynda telekeçilik merkezlerini ösdürmek” okuwy 2022-nji ýylyň 27-nji ýanwarynda Santýago de Kompostela uniwersitetiniň iş inkubatorynda geçirildi. Bu çäre MIETC taslamasynyň meýilnamasyna laýyklykda amala aşyryldy. "Business Pro" okuw merkeziniň wekilleri Anargul Kulmagambetowa we Aliýa Ahmetowa Gazagystanda işewürlik inkubatorlarynyň we tehnologiýa seýilgähleriniň ösüşi barada jikme-jik maglumat berdiler.

Maý 2022 - Gyzyklanýan tarapyň ussahanasy: “Ykdysadyýet” Merkezi Aziýanyň hyzmatdaş ýurtlarynda (Gazagystan, Täjigistan) geçirilen seminarlara gatnaşdy, bu ýerde CA hyzmatdaşlary bilen duşuşyklar, Dolandyryş we Maliýe meselelerini ara alyp maslahatlaşmak, taslamanyň akademiki bölegi, Ýewropada geçiriljek okuwlar, hyzmatdaş desgalaryna, uniwersitetlere baryp görmek, Dolandyryş ýygnaklary, metbugatda milli Gazagystan telewideniýesi tarapyndan söhbetdeşlikler geçirildi. Pandemiýa sebäpli seminarlar Türkmenistanda geçirilmedi, ýöne soňra onlaýn hyzmatdaşlar tarapyndan guraldy.
2022-nji ýylyň maý-iýun aýynyň aralygynda USC tarapyndan dersler boýunça ussatlyk okuwlary geçirildi.
2022-nji ýylyň sentýabr aýyndan 2023-nji ýylyň mart aýyna çenli ähli taslama hyzmatdaşlarynyň arasynda master kurslarynda işjeň işler geçirildi.
2023-nji ýylyň mart aýynda Neaplesdäki taslama gatnaşyjy tarapyndan 16 türkmen mugallymy gatnaşdy.
MIETC taslamasynyň işine türkmen tarapyndan Türkmen döwlet maliýe instituty, Türkmen döwlet ykdysadyýet we dolandyryş instituty, şeýle hem Türkmenistanyň Ylymlar akademiýasy hem-de onuň Tehnologiýalar merkezi gatnaşdylar we olaryň talyplary, mugallymlary we hünärmenleri meýilnama laýyklykda onlaýn okuw sapaklaryny geçdiler.
Senagat telekeçiligi pudagynda hünärmenleri taýýarlamak we hünär derejesini ýokarlandyrmak halk hojalygynyň möhüm wezipeleriniň biri bolup durýar. Şu nukdaý nazardan bu taslama Türkmenistanyň durmuş-ykdysady ösüşiniň häzirki zaman özgertmelerine, kiçi we orta telekeçiligi goldamak boýunça döwlet okuw maksatnamalaryna laýyk gelýändigini belleýäris.

Hünär ulgamyny ösdürmek üçin dürli strategiýalar ara alnyp maslahatlaşyldy we seredildi.
WP1. Taslamany dolandyrmak

1) 1.1. Wideo aragatnaşyk arkaly duşuşyklar üstünlikli geçirildi.
1.2. Maliýe dolanyşygy boýunça işler alnyp baryldy. Maliýe dolanşygy boýunça Ýewropa tarapynadan utgaşdyryjy gollanma taýýarlady.
1.3. Taslamanyň türkmen tarapyndan hyzmatdaşlary we utgaşdyryjysy aragatnaşyk sakladylar we duşuşyklary geçirdiler. Içerki aragatnaşygyň we taslamanyň utgaşdyryş meýilnamasy taýýarlanyldy.

WP2. Taýýarlyk.

2.1. Maksatlaýyn gözleg üçin toparlaýyn görkezmeleri işläp düzmek tamamlandy.
2.2. Gyzyklanýan taraplar bilen seminarlary / gözlegleri geçirmek. Onlaýn seminarlar Aşgabatda, Karagandada we Ust-Kamenogorskda geçirildi.
2.3. Zerurlyklary we başarnyklary seljermek M12 gutarmanka tamamlanar.
2.4. Halkara master programmalarynyň derňewini M12-e çenli tamamlamak meýilleşdirildi.
2.5. Hasap we gözegçilik mehanizmleri döredildi.
2.6. Taslamany durmuşa geçirmek meýilnamasy taýýarlanyldy. Iş meýilnamasy yzygiderli täzelenildi.
2.7. Taslamanyň başynda Dolandyryş geňeşi, ýaýratma geňeşi (DB), akademiki geňeş (AB), telekeçilik merkeziniň dolandyryjysy (ECM) we Taslama esasy toparlary (TCG) kesgitlenildi.

WP3. Ösüş

3.1. Okuw meýilnamasynyň dizaýny we taýýarlygy meýilnamalaşdyrmak tapgyrynda, WP2-iň netijelerine garaşýar.
3.1.4. Iňlis dilini öwretmek meýilnamasy we akademiki işgärleriň iňlis dilini bilmekligi göz öňünde tutuldy. Dil öwrenmek boýunça onlaýn okuwlar geçirildi.
3.1.6. Şahadatnama we akkreditasiýa prosesi: akkreditasiýa prosesiniň deslapky derňewi her ýurtda geçirildi. 10 sany türkmen hünärmeni iňlis dilini özleşdirmek boýunça sertifikat aldy.
3.4.1. Durnuklylyk meýilnamasy we usulyýeti taýýarlandy.

WP4. Hil kepilligi

4.1. Hil meýilnamasy: gutarnykly wersiýa M12 gutarmanka taýýar etmek göz öňünde tutuldy.
4.2. Döwürleýin hasabatlar: ilkinji döwürleýin hasabat M1-den M12-e çenli boldy.

WP5. Ýaýratmak

5.1. Ýaýratmagyň strategiýasy döredildi.
5.2. Hünär ulgamy döredildi we işleýär.
5.4. Web sahypasy we wizual şahsyýet döredildi.
5.5. Sosial media profilleri işlenip taýýarlanyldy.
5.7. Ýaýratmak, mahabat kampaniýalary, maglumat we açyk günler geçirmek işleri alnyp baryldy.

MIETC

Türkmenistanyň Ylymlar akademiýasy 2024-nji ýylyň 12 – 13-nji iýunynda Aşgabat şäherinde Türkmenistanyň Ylymlar gününe bagyşlanyp gibrid görnüşde geçirilýän halkara ylmy konferensiýa gatnaşmaga çagyrýar

2024-02-20 18:35:41

Türkmenistanyň Ylymlar akademiýasy 2024-nji ýylyň 12 – 13-nji iýunynda Aşgabat şäherinde Türkmenistanyň Ylymlar gününe bagyşlanyp gibrid görnüşde geçirilýän "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar.
Ylmy maslahatyň iş dilleri: türkmen, iňlis we rus.

Ylmy maslahatyň tematiki ugurlary:

Nanotehnologiýalar, himiki tehnologiýalar, täze materiallary öwrenmek we energetika;
Biotehnologiýa, molekulýar biologiýa, oba hojalygy, ekologiýa we genetika;
Maglumat we aragatnaşyk ulgamlary, kompýuter tehnologiýalary;
Häzirki zaman lukmançylygy we derman serişdelerini öndürmek tehnologiýalary;
Innowasion ykdysadyýet;
Ynsanperwer ylymlar.

Ylmy maslahata gatnaşmaga isleg bildirýänler zerur maglumatlary tabşyrmak üçin degişli şertleri we talaplary berjaý etmelidirler.

Ylmy maslahata gatnaşmak üçin degişli resminamalar, nutuklaryň gyçgaça beýanlary we annotasiýalary 2024-nji ýylyň 31-nji martyna çenli kabul edilýär.
Düzgünlere laýyk gelmeýän we bellenilen möhletden soň tabşyrylan işlere garalmaýar.

Türkmenistanyň Ylymlar akademiýasynyň salgysy: Aşgabat şäheri, Bitarap Türkmenistan şaýoly, 15.

Habarlaşmak üçin telefon belgileri: +993 12 94-13-37.

Halkara ylmy maslahatyň Guramaçylyk topary

"Ylymlar güni" mynasybetli geçirilýän "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmagyň

Maslahata gatnaşmaga isleg bildirýänleriň her biri maslahata diňe bir nutuk hödürläp biler we awtorlar ikiden köp bolmaly däldir. Işiň mazmuny özbaşdak ylmy-barlag häsiýetli we ady bilen kybapdaş bolmaly.
Maslahata gatnaşmak üçin nutugyň gysgaça beýany we annotasiýalary taýýarlanylmaly. Nutugyň gysgaça beýany ylmy maslahatyň iş dilleriniň birinde, annotasiýalar bolsa beýleki iki dilde bolmaly.
Maslahata daşary ýurtly gatnaşyjylaryň nutuklarynyň annotasiýalarynyň türkmen we rus dillerine terjimesi Guramaçylyk topary tarapyndan ýerine ýetiriler.

3.1 Maslahata ýerli gatnaşyjylar annotasiýanyň iňlis we rus dillerine terjimelerini ýokary okuw mekdepleriniň degişli kafedralarynda ýa-da terjime edaralarynda tassyklatmaly.

Daşary ýurtly gatnaşyjylar maslahatda etjek çykyşlarynyň tekstini taýýarlamaly we Guramaçylyk toparyna ibermeli (5-10 minutlyk doklad, 5-6 sah.).
Maslahata ýerli gatnaşyjylaryň ylmy işiniň gysgaça beýany we annotasiýalar awtoryň işleýän edarasynda seredilmeli we edaranyň ýolbaşçysy tarapyndan gol çekilen hat üsti bilen Türkmenistanyň Ylymlar akademiýasyna iberilmeli. Hata nutugyň gysgaça beýanynyň we annotasiýalaryň elektron görnüşleri goşulmaly.
Iberilen resminamalaryň mazmunyna awtorlar şahsy jogapkärçilik çekýärler.
Maslahata gatnaşmak üçin hasaba alnyş görnüşi doldurylmaly (adaty şrift, Times New Roman, 12 pt):

1	Familiýasy
2	Ady
3	Atasynyň ady
4	Wezipesi
5	Alymlyk derejesi, ady
6	Işleýän ýeriniň doly ady
7	Işleýän ýeriniň salgysy (poçta indeksini hem görkezmeli)
8	Iş telefony, elektron salgysy
9	Nutugyň ady (baş harplar bilen ýazmaly däl)
10	Nutugyň tematiki ugry
11	Nutuk haýsy dilde taýýarlandy

Daşary ýurtly gatnaşyjylar hasaba alnyş görnüşini, degişli resminamalary, ylmy işiň gysgaça beýanyny, annotasiýasyny we dokladyny elektron görnüşde aşakdaky elektron salgylaryna ýollamaly:

conference.tkm.june2024@gmail.com

conference.tkm.june2024@sanly.tm

Nutugyň gysgaça beýanynyň möçberi A4 (210×297 mm) formatda 1,5 sahypadan geçmeli däl, annotasiýalaryň her biriniň möçberi 0,5 sahypa çenli bolmaly.
Sahypa ölçegleri: ýokary we aşak taraplarda – 2,0 sm, çep tarapda – 2,5 sm, sag tarapda – 1,5 sm. Oriýentasiýasy – "kitap" görnüşli, şrifti – Times New Roman, ölçegi – 14 pt, setir arasy – 1
Ylmy işiň aýratynlyklaryna baglylykda nutugy şekiller, formulalar we tablisalar görnüşinde beýan etmäge ýol berilýär. Bu ýagdaýda her bir şekil sahypanyň görkezilen ölçeglerinden çykmaly däl, şrifti bolsa 14-den kiçi bolmaly däl. Nutugyň gysgaça beýanynyň umumy göwrümi şekiller, formulalar we tablisalar bilen bilelikde A4 formatdaky 1,5 sahypadan geçmeli däl.
Maslahata elektron görnüşde tabşyrylýan ähli materiallar diňe Word for Windows formatynda kabul edilýär (doc we docx giňeltmesi bilen).
Nutugyň gysgaça beýany we annotasiýalar bir faýlda saklanylmaly hem-de aşakdaky görnüşde bolmaly:

awtoryň ady, familiýasy sahypanyň sag gyrasy boýunça deňlemek bilen 14 lik şriftde setir harplar bilen goýy gara ýazylmaly, döwletiň ady ýaýyň içinde görkezilmeli;
eger nutugyň iki awtory bar bolsa, ilki çykyş edýäniň ady, familiýasy görkezilmeli;
nutugyň, gysgaça beýanyň we annotasiýalaryň atlary baş harplar bilen 16 lyk şriftde goýy gara görnüşde ýazylmaly we setiriň merkezi boýunça deňlenilmeli;
nutugyň gysgaça beýanynyň tekstini ýazmazdan öň 1 setir goýbermeli.

nusga şu ýerde.

Nutugyň gysgaça beýanynyň we annotasiýalaryň tekstleri setiriň ini boýunça deňlenilmeli. Matematiki formulalar degişli formula redaktorlarynyň kömegi bilen ýazylmaly
Nutugyň gysgaça beýanynyň we annotasiýalarynyň sahypalary belgilenilmeýär.
Bildirilýän talaplara laýyk gelmeýän işlere garalmaýar.
Iş tabşyrylandan soňra hödürlenilen düzedişler we goşundylar kabul edilmeýär.
Guramaçylyk toparynyň karary boýunça iş ylmy maslahata goýberilmän bilner.
Tabşyrylan resminamalar yzyna gaýtarylmaýar.

Nutugyň gysgaça beýanynyň nusgasy.(ÝÜKLE)

Sergeý Abaseýew,
(Türkmenistan)
Koiçi Hasegawa,
(Ýaponiýa)

AŞGABAT ŞÄHERINDE BOLMAGY MÜMKIN ÝERTITREMELERIŇ ULULYKLARYNA BAHA BERMEK

Tekst …………………

(Times New Roman şrifti, ölçegi – 14 pt, setir arasy – 1)

Üns beriň!

Nutugyň gysgaça beýany we annotasiýalar bir faýlyň içinde ýerleşdirilmeli. Faýlyň ady çykyş edýäniň familiýasyny, adyny, atasynyň adyny we «tez» diýen harplary özünde jemlemeli. Mysal üçin, çykyş edýän – Ataýew Nurmyrat, faýlyň ady – «Ataýew N. tez». Nutuk aýratyn faýlda iberilmeli
Hasaba alnyş görnüşleri nutugyň ähli awtorlary tarapyndan doldurylýar we bir faýlda ýerleşdirilýär. Ilki bilen ylmy maslahatda çykyş edýäniň, soňra awtordaşyň hasaba alnyş görnüşleri ýerleşdirilýär. Hasaba alnyş maglumaty üçin faýlyň ady awtoryň familiýasyny, adyny, atasynyň adyny we «reg» diýen harplary özünde jemlemeli. Mysal üçin, «Ataýew N. reg»
Faýllary arhiwirlemeli däl!

Guramaçylyk topary

Ewropa Bileleşiginiň Erazmus + Maksatnamasy “CirculEC” Taslamasy Türkmenistanda üstünlikli başlandy

2024-04-18 17:30:34

Taslama “Gaýtadan işlemek taprygy ykdysadyýet we durnukly ösüş boýunça innowasion okuw maksatnamalaryny we modullaryny işläp taýýarlamak”

Taslama gatnaşýanlar:
Maliýeleşdiriji: Ýewropa Bileleşigi, Medeniýet we bilim boýunça baş Müdirligi, Erasmus+ Maksatnamasy

Utgaşdyryjy: D. Serikbaýew adyndaky Gündogar Gazagystan Döwlet Tehniki Uniwersiteti
(Gazagystan)

Türkmenistan tarapyndan taslama gatnaşýanlar:
1)Türkmenistan Ylymlar Akademiýasy (TYA),
2) Türkmen Döwlet Ykdysadyýet we Dolandyryş Instituty,
3) Türkmen Döwlet Maliýe Instituty

Esas: Türkmenistanyň Ministrler Kabinetiniň 2023-nji ýylyň 11-nji dekabryndaky 2/543 belgili
tabşyrygy we Taslamanyň 101129169-CirculEC Hyzmatdaşlyk Ylalaşygy

Taslamanyň maksady: Merkezi Aziýa uniwersitetleriniň hünärmenleriniň we talyplarynyň ýerli zähmet bazarlarynyň zerurlyklaryny we Merkezi Aziýa ýurtlarynda gabat gelýän daşky gurşaw meselelerini kanagatlandyrýan başarnyklary we başarnyklary üpjün
etmek üçin gaýtadan dikeldilýän ykdysadyýetde adam kapitalyny artdyrmakdan ybarat

Taslamanyň ýerine ýetiriliş möhleti 36 aý (01.11.2023-31.10.2026)

Türkmenistanyň uniwersitetleriniň we Ylymlar akademiýasynyň işgärleri Ewropa Bileleşiginiň ERAZMUS + maksatnamasynyň “CirculEc” taslamasynyň çäginde EB-niň ýurtlaryna baryp gördüler.

2024-06-06 09:17:38

GERMANIÝA, BILEFELD

“CirculEC” (Uniwersitetlerde sirkulýar ykdysadyýet we baha döretmek) EC Ýewropa-Merkezi Aziýa taslamasynyň çäginde ilkinji duşuşyk:
Duşuşyk Bilefelddäki (Germaniýa) FHM-den başlanyp, Santýago-de-Kompostelada (Ispaniýa) we Neapolda (Italiýa) dowam edýär.

CirculEC taslamasyna gatnaşýan Merkezi Aziýanyň dört (Gazagystan, Özbegistan, Täjigistan we Türkmenistan) döwletinden ybarat bolan wekiliýet Bilefelde geldi. 22-nji aprelde, duşenbe güni Merkezi Aziýaly 22 sany agzadan ybarat wekiliýet iki gün möhlet bilen FHM-e Bilefelde geldi.

Soňra syýahat Ispaniýada we Italiýada dowam eder. Bu halkara taslama boýunça duşuşygyň esasy maksady taslama gatnaşyjylaryň hakykat ýüzünde ilkinji tanyşlygyndan we Ýewropa ykdysadyýeti nukdaýnazaryna laýyklykda Merkezi Aziýaly hyzmatdaşlara barlaglary geçirmekde we okatmakda sirkulýar bahalary döretmegiň esaslaryny bermekden ybarat bolup durýar.

Taslamanyň 2023-2026-njy ýyllary içine alýan döwründe şu maksatlar amala aşyrylar:
- Merkezi Aziýa uniwersitetlerinde sirkulýar ykdysadyýetiň konsepsiýasynyň integrasiýasy boýunça kurslar guramak;
- Merkezi Aziýa uniwersitetlerinde talyplary we mugallymlary bu tema bilen gyzyklandyrmak üçin sirkulýar ykdysadyýet boýunça leksiýalar, seminarlar, panel diskussiýalar we hakatonlar ýaly çäreleri guramak.

Germaniýada iki günlük meýilnama Fachhochschule des Mittelstandes we onuň barlaglary geçirmekde hem-de okatmakda sirkulýar ykdysadyýetiň alyp barýan işleri boýunça umumy presentasiýasy bilen başlandy.

Bu meýilnama Bilefeldde “Sirkulýar ykdysadyýet” boýunça kursuň meýilnamasyny Merkezi Aziýada ýola goýmak mümkinçiliklerini işlemekden ybarat. Ikinji gün taslama gatnaşyjylara sirkulýar bahany döretmek boýunça FHM taslamasynda bar bolan barlaglar hakyndaky maglumatlar hödürlenildi.

Olar bu ýerde hyzmatdaş bilen iş tejribesi barada söhbetdeş bolmaga mümkinçilik aldylar. Bilefelddäki Lamm çörek kärhanasyndan Mark-Filip Lamm özüniň kompaniýasynda durnukly we sirkulýar bahany döretmek boýunça soraglara jogap berdi.

EC “Sirkulýar Linear 2” taslamasynyň synaglarynyň gözden geçirilişinden soň duşuşyga gatnaşyjylar synagdan geçirilen gurallary we usullary özlerinde synap görmek mümkinçiliklerini aldylar.

Bilelikde geçirilen ikinji gün Bertelsmann Gaznasyndan Armando Garsii Şmidtiň ýurduň syýasy we hukuk ýagdaýlary hakyndaky çykyşy bilen tamamlandy.

Ýewropa we Germaniýa sirkulýar ykdysadyýet temasy hakynda.

Duşuşyk eşidilenleri öz taslamalaryňda integrasiýa etmek we teklipleriň giň spektrinden netijeleri çykarmak üçin dizaýn-pikirlenme formatynda ideýalary işläp düzmek bilen tamamlandy. Gatnaşyjylar çyzgy boýunça işlediler.

Sirkulýar ykdysadyýet sferasynda köp gaýtalanýan şygar:

“Eger biz zatlary sarp ediji däl-de, eýsem, ulanyjy ykdysadyýeti gurup bilsek, onda biz geljegi gurmagy başararys”.

(Ellen Makartur, Fond Ellen Makartur)

ISPANIÝA, Santýago-de-Kompostela

Geçen penşenbe, 25-nji aprelde we anna güni 26-njy aprelde, Gazagystandan, Täjigistandan, Özbegistandan we Türkmenistandan 11 sany uniwersitetiň wekiliýeti, USC Ykdysadyýet we iş dolandyryş fakultetine baryp gördi. Bu sapar Ýewropa Bileleşiginiň Erazmus CBHE maksatnamasy tarapyndan, maliýeleşdirilýän “Circul EC” taslamasynyň çäginde geçirildi. Taslamanyň maksady – Merkezi Aziýanyň bu 11 uniwersitetine, tegelek ykdysadyýet we durnukly ösüş ugurlary boýunça, okuwlary ösdürmäge mümkinçilik bermekdir.

Saparyň ilkinji güni, gatnaşyjylara tegelek ykdysadyýet we durnukly ösüş, şeýle hem uniwersitetleriň zerurlyklaryny we soňraky çekişmeleri kesgitlemek üçin, bilelikdäki mejlis bilen tamamlanan bu temanyň, dürli taraplary barada, bilim bermeklige bagyşlandy. Ikinji gün, CETAQUA - VIAQUA suw tehnologiýa merkezine sapar boldy we oňa gatnaşyjylar, merkeziň müdiri Tereza Alwarinýonyň CETAQUA-nyň işleri we taslamalary baradaky düşündirişlerine gatnaşmaga mümkinçilik aldylar. Şeýle hem, VIRATEC-iň dolandyryjysy Ana Botas, Cluster Gallego Soluciones gatnaşdy. “Ambientales y Economía Circular” (Daşky gurşaw çözgütleriniň we tegelek ykdysadyýetiň Galisiýa topary), özara öwrenişmek üçin, hyzmatdaşlygyň potensial görnüşleri barada netijeli pikir alyşdy. Resmi sapar duşuşygyň netijelerini jemlemek we çäräni ýapmak bilen tamamlandy.

FEDERIKO II: “CIRCULEC” BILEN MERKEZI AZIÝA KÖPRÜLERI

DURNUKLY ÖSÜŞIŇ HATYRASYNA GAZAGYSTANYŇ, TÄJIGISTANYŇ, TÜRKMENISTANYŇ WE ÖZBEGISTANYŇ UNIWERSITETLERI BILEN HYZMATDAŞLYGY GÜÝÇLENDIRILDI

Federiko II uniwersiteti täze Erazmus + SirkulEC taslamasynyň çäginde Gazagystanyň, Täjigistanyň, Türkmenistanyň we Özbegistandaky 10 sany uniwersitetiniň we gözleg institutynyň kärdeşlerini uly höwes bilen garşy aldy. 2026-njy ýylda tamamlanjak taslama dürli ugurlardaky başarnyklary we bilimleri birleşdirýän dersara çemeleşme bilen durnukly ösüşiň we tegelek ykdysadyýetiň strategiki mowzuklaryna gönükdirilen innowasion uniwersitet, magistr derejesini ösdürmegi maksat edinýär.

Italiýada Aziýaly kärdeşleri bilen, ilkinji duşuşyk 29-njy aprelde, duşenbe güni sagat 10:30-da Raýat we daşky gurşaw inženerçiligi bölüminiň, TeMA barlaghanasynda geçirildi. Duşuşyga Gazagystanyň Alihan Bokeýhan uniwersitetiniň we Ualihan uniwersitetiniň rektorlary, Gündogar Gazagystan Tehniki uniwersitetiniň iki sany prorektory we Täjigistanyň döwlet söwda uniwersitetiniň, şeýle hem gatnaşýan uniwersitetleriň käbir fakultetleriniň dekanlary gatnaşdy.

Taslamanyň ylmy ýolbaşçysy, professor Karmela Gardjulo, inžener Herardo Karpentýeri bilen bilelikde şeýle diýdi: “Merkezi Aziýanyň uniwersitetleri bilen hyzmatdaşlygy, uniwersitetimiz we DICEA bölümimiz üçin, diňe bir nou-hau däl, eýsem gözleg we garaýyş usullaryny hem geçirmek üçin ajaýyp mümkinçilikdir”. “Bu taslama, durnukly ösüş ýaly strategiki pudakda bilimleri we başarnyklary paýlaşmaga hem-de çalt ösýän geografiki sebit bilen gatnaşyklary berkitmäge mümkinçilik berer.”

Aziýaly hyzmatdaşlar “Federician” jemgyýetçiligi bilen mundan beýläk-de, derňewlerde, okuwda we üçünji missiýada sinergiýany giňeltmek bilen hyzmatdaşlyga başlamaga taýýardyklaryny mälim etdiler. Bu çäre “Federiko II uniwersitetiniň” halkara akademiki panoramasynda salgylanma nokady hökmünde hemişe gymmatly medeni we ylmy ugularda tejribe alyşmagyň halkara ýolunda ýene bir ädim öňe ädýändigini görkezdi.

Türkmenistanyň Ylymlar akademiýasy Türkmenistan bilen ÝB-iň hyzmatdaşlygynyň 30 ýyllygyna bagyşlanan çärä gatnaşdy

2024-06-06 09:27:07

News Central Asia internet-habarlar saýty “Türkmenistan bilen Ýewropa Bileleşiginiň arasyndaky hyzmatdaşlygyň 30 ýyllygy: geljegiň hatyrasyna bilelikdäki işler” atly maslahatyň birinji mejlisinde türkmen tarapynyň hyzmatdaşlygyň ileri tutulýan ugurlaryny kesgitländiklerini habar berýär.

Maslahat Ýewropa Bileleşiginiň Merkezi Aziýa boýunça ýörite wekili Terri Hakalynyň Türkmenistana iş saparynyň çäklerinde geçirildi. Türkmenistanyň Daşary işler ministri Raşid Meredow hem-de hanym Hakala maslahatyň açylyş dabarasynda çykyş etdiler we Ýewropa Bileleşiginiň Türkmenistandaky wekiliýetiniň başlygy Beata Peksanyň soraglaryna jogap berdiler diýlip habarlarda bellenilýär.

Hyzmatdaşlygyň ileri tutulýan ugurlary baradaky soraga jogap bermek bilen, Raşid Meredow oňyn gatnaşyklaryň dürli pudaklarda ösýändigini belledi. Şonuň ýaly-da, ähli global, sebit we milli çygyrlarda howpsuzlygyň esasy ähmiýetli ugur bolup, olar bir-biri bilen ýakyn baglanyşyklydyr.

Türkmenistanyň daşary işler ministri Türkmenistanyň hemişe dünýä parahatçylygynyň we howpsuzlygynyň tarapdary bolup çykyş edýändigini belledi. Şu ugurlarda Türkmenistan tejribe alyşmaga we hyzmatdaşlyk etmäge gyzyklanma bildirýär hem-de terrorçylyga, transmilli jenaýatçylyga, neşetrafigine garşy göreşmäge öz mümkinçilikleriniň çäklerinde goşandyny goşýar.

Howanyň üýtgemegi bilen baglanyşykly ýüze çykýan meseleler Türkmenistan bilen Ýewropa Bileleşiginiň arasyndaky hyzmatdaşlygyň üns çekilmeli ugurlarynyň biri hökmünde bellenildi. Şeýle-de, energetika, ulag we zaýaçylyksyz aýlaw, ýagny “ýaşyl” ekonomika hyzmatdaşlygyň ileri tutulýan ugurlarydyr.

Ylymlar güni mynasybetli “Ýokary derejeli ylmy işgärleri taýýarlamak berkarar watanymyzyň durmuş-ykdysady ösüşiniň aýdyň kepilidir” atly dabaraly maslahat geçirildi

2024-06-10 09:38:21

Düýn, iýun aýynyň 6-syna indi ýurdumyzda däp bolup gelýän, her ýyl uly dabara bilen iýun aýynyň 12-sine geçirilýän ylymlar güni mynasybetli Türkmenistanyň Ylymlar Akademiýasynyň Magtymguly adyndaky Dil, edebiýat we milli golýazmalar institutynyň mejlisler zalynda aspirantlaryň we doktorantlaryň ylmy amaly maslahaty geçirildi.

Geçirilen maslahatyň işine ýurdumyzyň birnäçe ylmy edaralarynyň aspirantlary we doktorantlary, Ylymlar Akademiýasynyň wekilleri we köpçülikleýin habar beriş serişdeleriniň wekilleri gatnaşdylar. Bu maslahatyň esasy maksady ylmyň we tehnikanyň ileri tutýan ugurlary boýunça möhüm meseleleri ara alyp maslahatlaşmakdan ybaratdyr.

Maslahat Türkmenistanyň Ylymlar akademiýasynyň Fizika-matematika, himiýa, geologiýa, tehniki ylymlar müdirliginiň başlygy, akademik-kätip, tehniki ylymlaryň doktory Esedullaýew Rahmangulynyň Ylymlar güni mynasybetli maslahata gatnaşyjylara gutlag sözünden başlandy.

Çäräniň dowamynda oňa gatnaşyjylaryň birnäçesi çykyş etdiler. Olar öz çykyşlarynda özleriniň wekilçilik edýän ylmy guramalarynda geçirilýän barlaglaryň esasy ugurlary, berkarar Watanymyzyň ählumumy ösüşleri we ylym ulgamynyň gurluşy, ýurdumyzyň ylymda-bilimde gazanýan ösüşleri, täze innowasiýalardan baş çykarýan hünärmenleri taýýarlamak üçin alnyp barylýan işler barada gürrüň berdiler. Ylmy amaly maslahatyň dowamynda halypa mugallymlar bilen aspirantlar we doktorantlaryň arasynda diýseň täsirli sorag-jogap alyşyldy, şeýle-de ýaş alymlara öz işlerini üstünlikli amala aşyrarlary ýaly degerli maslahatlar berildi.

TYA-nyň Magtymguly adyndaky Dil, edebiýat we milli golýazmalar institutynyň aspiranty Nepesowa Altynjemal

Ylym — Türkmenistanyň okgunly ösüşiniň binýady

2024-06-21 10:07:12

Şu gün Oguz han adyndaky Inžener-tehnologiýalar uniwersitetinde ýurdumyzda giňden bellenilýän Ylymlar güni mynasybetli däp bolan “Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» atly halkara ylmy maslahat öz işine başlady. Türkmenistanyň Ylymlar akademiýasy tarapyndan dünýäniň ylmy jemgyýetçiligi bilen özara gyzyklanma bildirilýän hyzmatdaşlygy pugtalandyrmak maksady bilen her ýylda guralýan iki günlük foruma türkmen alymlary bilen bir hatarda, birnäçe daşary ýurtlaryň, şol sanda Azerbaýjanyň, Belarusuň, Bolgariýanyň, Gazagystanyň, Hytaýyň, Gyrgyzystanyň, Mongoliýanyň, Russiýanyň, Özbegistanyň, Ukrainanyň, Fransiýanyň, Estoniýanyň, Ýaponiýanyň we beýleki ýurtlaryň Ylymlar akademiýalarynyň, ýokary okuw mekdepleriniň ýolbaşçylarydyr wekilleri gatnaşdylar.

Makalalar Ýygyndysy Tom I

Makalalar Ýygyndysy Tom II

«Innowasiýalar, täze tehnologiýalar we olary önümçilige ornaşdyrmagyň meseleleri» atly III türkmen-hytaý ylmy-innowasion forumy

2024-11-28 15:24:47

Türkmenistan we Hytaý Halk Respublikasy birek-biregiň bähbitlerine hormat goýmak we
deňhukukly hyzmatdaşlyk esasynda dostlukly aragatnaşyk gurýarlar. Biziň ýurtlarymyzyň
arasynda işjeň hyzmatdaşlyk ähli esasy ugurlarda, şol sanda bilim we ylmy-tehniki ugurda amala
aşyrylýar. Türkmenistanyň we Hytaý Halk Respublikasynyň baştutanlarynyň arasyndaky
ikitaraplaýyn duşuşyklar iki ýurduň arasyndaky gatnaşyklary ösdürmäge we berkitmäge özara
gyzyklanmalaryny görkezýär.
Türkmenistan we Hytaý Halk Respublikasynyň ýolbaşçylarynyň ylym we tehnologiýa
boýunça ikitaraplaýyn hyzmatdaşlygy mundan beýläk-de giňeltmek we çuňlaşdyrmak barada
bilelikdäki tagallalary esasynda, 2024-nji ýylyň 26-27-nji noýabrynda Aşgabat şäherinde
«Innowasiýalar, täze tehnologiýalar we olary önümçilige ornaşdyrmagyň meseleleri» atly III
türkmen-hytaý ylmy-innowasion forumy geçirildi.
Forumyň esasy maksady, Türkmenistan bilen Hytaý Halk Respublikasynyň arasynda
ylmy we innowasiýa hyzmatdaşlygynyň esasyny düzüp biljek, geljegi uly innowasiýa, ylmy we
tehnologiki ugurlary kesgitlemekden, iki ýurduň ylmy guramalarynyň arasynda göni
gatnaşyklaryň ýola goýulmagyna ýardam bermekden ybarata boldy.
Forum Türkmenistanyň Ylymlar akademiýasy hem-de Hytaý Halk Respublikasynyň
Ylym we Tehnologiýa ministrligi tarapyndan guraldy.

Forumyň işine Türkmenistanyň we Hytaý Halk Respublikasynyň ylmy institutlarynyň we
ylmy merkezleriniň, uniwersitetleriniň alymlary, döwlet edaralarynyň wekilleri, innowasiýalar
boýunça ekspertler, has kämil tehnologiýalar we innowasion önümler babatda gyzyklanma
bildirýän kompaniýalaryň wekilleri gatnaşdylar.
Forumyň işiniň netijesinde, Rezolusiýa kabul edilip, onda ylmy-tehnologik ugurda
Türkmenistan bilen Hytaý Halk Respublikasynyň arasyndaky özara bähbitli hyzmatdaşlygy
ösdürmäge gönükdirilen teklipler görkezildi.

Türkmenistanyň Ylymlar akademiýasynda 2024-nji ýylyň 17-nji dekabrynda “Gahryman Arkadagymyzyň “Hakyda göwheri” – ylymlaryň şamçyragydyr” atly ylmy-amaly maslahat geçirildi

2024-12-18 18:21:12

Türkmenistanyň Ylymlar akademiýasynda 2024-nji ýylyň 17-nji dekabrynda “Gahryman Arkadagymyzyň “Hakyda göwheri” – ylymlaryň şamçyragydyr” atly ylmy-amaly maslahat üstünlikli geçirildi. Ylmy-amaly maslahata Türkmenistanyň akademiki we pudaklaýyn ylmy-barlag edaralarynyň, ýokary okuw mekdepleriniň ýolbaşçylary, ylmy işgärleri, professor-mugallymlary, şeýle hem aspirantlar, doktorantlar we ylymlaryň kandidaty hem-de doktory alymlyk derejelerine dalaşgärler gatnaşdylar.

Ylmy-amaly maslahatyň dabaraly açylyşy 2024-nji ýylyň 17-nji dekabrynda Türkmenistanyň Ylymlar akademiýasynda geçirildi. Bu ýerde türkmen halkynyň Milli Lideri Gahryman Arkadagymyzyň hem-de Türkmenistanyň Prezidenti Arkadagly Gahryman Serdarymyzyň kitaplarynyň, şeýle hem türkmen halkynyň taryhy we milli medeni gymmatlyklarynyň sergisi guraldy.

Ylmy-amaly maslahatyň umumy mejlisini Türkmenistanyň Ylymlar akademiýasynyň prezidenti A.Aşirow alyp bardy. Maslahatyň başynda ol maslahata gatnaşyjylaryň adyndan Türkmenistanyň Çuňňur hormatlanylýan Prezidenti Arkadagly Gahryman Serdarymyzy hem‑de türkmen halkynyň Milli Lideri, Türkmenistanyň Halk Maslahatynyň Başlygy, Gahryman Arkadagymyzy we bütin türkmen halkyny Alym Arkadagymyzyň “Hakyda göwheri” atly kitabynyň neşir edilmegi bilen tüýs ýürekden gutlady. Ol Alym Arkadagymyzyň “Hakyda göwheri” atly kitabynyň neşir edilip, halka ýetirilmeginiň taryhy ähmiýeti aýratyn nygtady. Türkmen döwlet neşirýat gullugy tarapyndan döwrebap usulda, türkmen we iňlis dillerinde neşir edilen kitabyň sahypalarynda ýokary hilli fotosuratlaryň ýerleşdirilendigi onuň täsirliligini has-da artdyrýandygyny buýsanç bilen belledi.

Berkarar döwletiň täze eýýamynyň Galkynyşy döwründe türkmen halkynyň Milli Lideri, Gahryman Arkadagymyzyň beýik başlangyçlaryny üstünlikli durmuşa ornaşdyrýan hormatly Prezidentimiziň, Arkadagly Gahryman Serdarymyzyň ýolbaşçylygynda ýurdumyzda halk bähbitli, dünýä ähmiýetli işleriň durmuşa ornaşdyrylýandygyny nygtady. Gözbaşyny ençeme ýüzýyllyklardan alyp gaýdýan gadymy hem şöhratly taryhynda ençeme medeni ojaklary döredip, umumadamzat medeniýetiniň ösüşine uly goşant goşan türkmen halkynyň şöhratly taryhyny ylmy esasda öwrenmekde, gymmatly maglumatlary şu günki we geljekki nesillere ýetirmekde uly işler durmuşa geçirilýändigini belläp, bu babatda Alym Arkadagymyzyň we Arkadagly Serdarymyzyň kitaplary ylmy taglymat bolmak bilen, täze ylmy barlaglara we ylmy ösüşlere giň ýol açýandygyna ünsi çekdi.

Aýratyn hem, Alym Arkadagymyzyň “Türkmenistan – Beýik ýüpek ýolunyň ýüregi”, “Hakyda göwheri”, şeýle hem hormatly Prezidentimiziň “Änew – müňýyllyklardan gözbaş alýan medeniýet” atly kitaplarynyň gadymy Ýüpek ýolunyň ugrunda ýerleşen türkmen topragynda emele gelen Änew, Nusaý, Dehistan, Marguş, Merw, Köneürgenç, Amul, Sarahs, Abywerd ýaly köp sanly medeni ojaklar, şol döwürlerdäki meşhur alymlaryň, akyldarlaryň, söz ussatlarynyň ylmyň, edebiýatyň ösmegine goşant goşantlary, özlerinden soňky nesillere goýan mirasy baradaky taryhy maglumatlar bilen tanyşmakda gymmatly çeşmedigini belledi.

Ylmy-amaly maslahatyň umumy mejlisinde çykyş edenler türkmen halkynyň Milli Lideri, Alym Arkadagymyzyň “Hakyda göwheri” atly kitabynda gadymy grek-rim alymlarynyň, türkmen topragyna syýahat eden arap, pars taryhçylary, jahankeşdeleriniň taryhy ýazgylarynyň, türkmen topragynda dürli döwürlerde arheologik gazuw-agtaryşlary geçirip, gymmatly tapyndylary dünýä ýaýan meşhur taryhçy we arheolog alymlarynyň ylmy işleriniň esasynda ylmy-filosofik garaýyşlaryny beýan edendigini bellediler. Gahryman Arkadagymyzyň bu kitabynda Änewiň gadymy depelerinde meşhur Amerikaly arheolog R. Pampelliniň ýolbaşçylygynda geçirilen gazuw-barlag işleriniň dowamynda ak bugdaýyň däneleri ýüze çykarylandygyny we bu topragyň Ak bugdaýyň mekany hökmünde ykrar edilendigini, şeýle hem akademik W. I. Sarianidi tarapyndan Merwiň çägindäki Marguşda ýüze çykarylan ajaýyp tapyndylaryň esasynda, gadymy döwürde türkmen topragynyň Mesopotamiýa, Müsür, Hindistan we Hytaý ýaly dünýäniň irki siwilizasiýa merkezleriniň biri bolandygynyň ylmy esasda subut edilendigini buýsanç bilen nygtaýar. Alym Arkadagymyzyň bu kitaby iki bapdan ybarat bolup, birinji babynda şöhratly taryhymyz hem-de şol taryh bilen bagly bolan, saklanyp galan taryhy-medeni ýadygärliklerimiz hakynda, ikinji babynda bolsa ruhy-medeni mirasymyzyň köp öwüşginli gymmatlyklary hakda täsirli söhbet açylýandygyny, bu kitabyň ylym-bilim ulgamynyň täze derejelere çykarmakda we ýaş nesilleri watançylyk ruhunda terbiýelemekde bahasyna ýetip bolmajak gymmatly gollanmadygyny buýsançly bellediler.

Ylmy-amaly maslahatyň umumy mejlisiniň işi tamamlanandan soňra, bölümleriniň işi günüň ikinji ýarymynda geçirildi.

Ylmy-amaly maslahatyň “Hormatly Prezidentimiziň hem-de Alym Arkadagymyzyň eserleri – gymmatly hazyna” atly I bölümi Türkmenistanyň Ylymlar akademiýasynyň kiçi zalynda, “Gahryman Arkadagymyzyň “Hakyda göwheri” – taryha syýahat” atly II bölümi öz işini Türkmenistanyň Ylymlar akademiýasynyň Taryh we arheologiýa institutynyň mejlisler zalynda, “Hakyda göwheri” – Arkadag paýhasy” atly III bölümi öz işini Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň mejlisler zalynda alyp bardy.

Maslahata gatnaşyjylar Milli Liderimiziň “Hakyda göwheri” atly kitabynyň halkymyzyň ruhy we medeni gymmatlygyny, şöhratly taryhymyzy, milli mirasymyzy, gadymy oguz edebiýatyny öwrenmekde gymmatly çeşme bolup durýar diýip bellediler. Türkmeniň baý taryhy maglumatlaryny özünde jemleýän eseriň türkmen we iňlis dillerinde çap edilmegi örän buýsançlydyr. Gahryman Arkadagymyzyň ýiti zehininden dörän “Hakyda göwheri” atly eseriniň hemişelik Bitaraplygymyzyň 29 ýyllyk baýramynyň öň ýanynda halkymyza ýetirilmeginiň hem uly manysy bar. Bu kitapda Oguz han, Gorkut ata, Görogly, Mahmyt Zamahşary, Nurmuhammet Andalyp, Şabende, Magtymguly Pyragy ýaly taryhda yz galdyran beýik şahsyýetleriň umumadamzat medeniýetine goşan ägirt uly goşantlary we dünýä taryhyndaky orny barada ylmy taýdan delillendirilen baý maglumatlar beýan edilýär.

“Hakyda göwheri” atly kitap diňe bir gymmatly taryhy maglumatlaryň çeşmesi bolmak bilen çäklenmän, eýsem, Berkarar döwletimiziň eşretli zamanasyna buýsanjyň beýany bolup durýandygy çykyşlarda nygtaldy. Milli Liderimiziň täze kitabynda: “Ynsany bagtyýarlyga eltýän esasy sebäpleriň biri milli buýsanç arkaly kemala gelýär. Milli buýsanjyň gözbaşynda bolsa halkyň müňýyllyklardan gözbaş alýan şöhratly taryhy bardyr” diýilmegi taryha, milli mirasa, beýik şahsyýetlere bolan buýsanç duýgusyny artdyrýar. Ylmy-amaly maslahatyň “Hakyda göwheri” – Arkadag paýhasy” atly III bölüminde Gahryman Arkadagymyzyň “Hakyda göwheri” kitabynyň milli medeni, ruhy gymmatlyklara bolan buýsanjy, sarpany artdyrýandygy, ýazuwymyzyň taryhyny öwrenmekde egsilmez çeşme bolup, beýik şahsyýetlerimize sylag-hormaty has-da güýçlendirýändigi bilen bagly çykyşlar örän çuňňur manylara baý boldy. Çünki, şöhratly taryhy sarpalamak, ata-babalarymyzdan miras galan ruhy gymmatlyklary nesilden-nesle geçirmek milletiň beýgelmegine, jemgyýetiň jebisleşmegine, döwletimiziň berkemegine ýol açýan ýörelgedir. Türkmeniň taryhy köküni yzarlamaga berilýän mümkinçilik maslahatdaky ylmy çykyşlarda öz netijesini görkezdi. Bölümiň işi örän täsirli geçip, ýüze çykan ylmy meseleler barada sorag-jogap alşyldy. Çykyş edenleriň ählisi geçirilen ylmy maslahatyň örän täsirli bolandygyny hem-de geljekde özara hyzmatdaşlyk etmäge uly mümkinçilik döretjekdigini aýtdylar.

Ylmy-amaly maslahatyň bölümleriniň işi netijeli we guramaçylyk taýdan ýokary derejede geçirildi. Alymlar, professor-mugallymlar, doktorantlar, aspirantlar, dalaşgärler täze kitabyň ylmy-amaly ähmiýeti dogrusynda pikir alyşdylar. Alymlaryň gyzykly çykyşlary diňleýjilerde, aýratynda ýaş alymlarda uly täsir galdyrdy.

“Gahryman Arkadagymyzyň “Hakyda göwheri” – ylymlaryň şamçyragydyr” atly ylmy-amaly maslahata gatnaşyjylar Alym Arkadagymyzyň “Hakyda göwheri” atly kitabynyň halkymyzyň gadymy taryhyny, edebi hem medeni mirasyny ylmy taýdan öwrenmekde özboluşly ylmy-ensiklopedik gollanma hökmünde peýdalanmagy;

köpçülikleýin habar beriş serişdeleriniň üsti bilen giňden wagyz etmegi;

ylmy neşirlerde we metbugatda ylmy-publisistik makalalaryň çap edilmegini;

Alym Arkadagymyzyň we Arkadagly Gahryman Serdarymyzyň kitaplarynyň esasynda ylmy monografiýalaryň, okuw kitaplaryň, gollanmalaryň taýýarlanmagyny teklip etdiler.

Ylmy-amaly maslahatda çykyş edenler Gahryman Arkadagymyzyň “Hakyda göwheri” atly täze kitabyny sowgat berendigi üçin tüýs ýürekden sag bolsunlaryny aýtdylar. Garaşsyz, hemişelik Bitarap Türkmenistan döwletimizde hormatly Prezidentimiz Arkadagly Gahryman Serdarymyzyň hem-de Gahryman Arkadagymyzyň alyp barýan halk bähbitli, döwlet ähmiýetli işlerinde uly üstünlikleriň hemra bolmagyny, janlarynyň sag, ömürleriniň uzak bolmagyny arzuw etdiler.

Türkmenistanyň Ylymlar akademiýasy "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar

2025-02-07 12:20:25

Türkmenistanyň Ylymlar akademiýasy 2025-nji ýylyň 12–13-nji iýunynda Ylymlar güni mynasybetli Aşgabat şäherinde gibrid görnüşinde geçirilýän "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar.

Ylmy maslahatyň iş dilleri: türkmen, iňlis we rus.

Ylmy maslahatyň tematiki ugurlary:

1. Nanotehnologiýalar, himiki tehnologiýalar, täze materiallary öwrenmek we energetika;

2. Biotehnologiýa, molekulýar biologiýa, oba hojalygy, ekologiýa we genetika;

3. Maglumat we aragatnaşyk ulgamlary, kompýuter tehnologiýalary;

4. Häzirki zaman lukmançylygy we derman serişdelerini öndürmek tehnologiýalary;

5. Innowasion ykdysadyýet;

6. Ynsanperwer ylymlar.

Ylmy maslahata gatnaşmaga isleg bildirýänler zerur maglumatlary tabşyrmak üçin maslahata gatnaşmagyň şertlerini we nutuklaryň gyçgaça beýanlarynyň we annotasiýalaryň taýýarlanylyşyna bildirilýän talaplary berjaý etmelidirler.

Ylmy maslahatyň HABARNAMASY

Maslahata gatnaşmak üçin bildirilýän ŞERTLER

Ylmy makala we annotasiýa degişli TALAPLAR

Gysgaça beýan we annotasiýanyň MYSALY

Ylmy maslahata gatnaşmak üçin degişli resminamalar, nutuklaryň gyçgaça beýanlary we annotasiýalary 2025-nji ýylyň 31-nji martyna çenli kabul edilýär.

Düzgünlere laýyk gelmeýän we bellenilen möhletden soň tabşyrylan işlere garalmaýar we olar çap edilmeýär.

Türkmenistanyň Ylymlar akademiýasynyň salgysy: Aşgabat şäheri, Bitarap Türkmenistan şaýoly, 15.

Habarlaşmak üçin telefon belgileri: +993 12 94-13-37.

Halkara ylmy maslahatyň Guramaçylyk topary

“ALYM ZENANLARYŇ TÜRKMEN YLMYNY ÖSDÜRMEKDÄKI HYZMATY” ATLY YLMY MASLAHAT GEÇIRILDI

2025-03-07 09:46:56

2025-nji ýylyň 27-nji fewralynda Türkmenistanyň Zenanlar birleşiginiň Merkezi Geňeşi, Türkmenistanyň Zenanlar birleşiginiň Merkezi Geňeşiniň ýanynda döredilen “Alym zenanlar“ merkezi, Türkmenistanyň Ylymlar akademiýasynyň Zenanlar guramasy bilen bilelikde Türkmenistanyň Ylymlar akademiýasynyň Halkara ylmy-tehnologiýa parkynda “Alym zenanlaryň türkmen ylmyny ösdürmekdäki hyzmaty” atly ylmy-amaly maslahat geçirildi.

Maslahata Türkmenistanyň Ylymlar akademiýasynyň we ylmy-barlag institutlaryň zenanlar guramasynyň işjeň agzalary, ýaş alymlary, aspiratlary we Türkmenistanyň zenanlar birleşiginiň merkezi geňeşiniň hünärmenleri, şeýle-de Türkmenistanyň zenanlar birleşiginiň merkezi geňeşiniň ýanynda döredilen “Alym zenanlar“ merkeziniň işjeň agzalary gatnaşdylar.

Maslahatyň dowamynda alym zenanlar “Türkmen alym zenanlarynyň ylymdaky orny”, “Türkmen halkynyň medeni mirasyny öwrenen alymlar”, “Taryh ylmynda alym zenanlarymyzyň goşandy”, “Türkmen edebiýatynda zenan mertebesi”, “Himiýa ylmynyň ösüşinde zenanlaryň orny” atly nutuklar bilen çykyş etdiler.

Maslahata gatnaşyjylar türkmen zenanlaryna aýratyn sarpa goýýan türkmen halkynyň Milli Lideri Gahryman Arkadagymyza we hormatly Prezidentimiz, Arkadagly Gahryman Serdarymyza çäksiz alkyş aýtdylar.

Türkmenistanyň Ylymlar akademiýasynyň prezidenti ÝUNESKO-nyň ylmy diplomatiýa boýunça global ministrler dialogyna gatnaşdy

2025-03-27 09:47:20

Pariž şäheri. 2025-nji ýylyň 25-26-njy marty - Türkmenistanyň Ylymlar akademiýasynyň prezidenti Allaberdy Aşyrow ÝUNESKO-nyň Pariž şäherindäki ştab-kwartirasynda geçirilen ylmy diplomatiýa boýunça global ministrler dialogyna gatnaşdy. Bu dialog Durnukly ösüşiň bähbitlerinde ylmyň halkara onýyllygynyň (2024-2033ýý.) çäklerinde guraldy we oňa global çagyryşlary çözmekde, halkara hyzmatdaşlygyny berkitmekde we durnukly ösüşiň ýörelgelerini ilerletmekde ylmy diplomatiýanyň ornuny ara alyp maslahatlaşmak üçin ministrler, diplomatlar we dünýäniň dürli ýurtlaryndan görnükli alymlar gatnaşdylar.

Halkara çäre “Çalt üýtgeýän dünýäde ylmy diplomatiýa: erkekleriň we zenanlaryň aňynda dünýäniň gurluşy” şygary astynda geçdi. Mejlisiň barşynda oňa gatnaşyjylar ylmy hyzmatdaşlyk, ylmy maglumatlaryň elýeterliligi, ylmy barlaglaryň howpsuzlygy we ylmy parahatçylykly dialogyň guraly hökmünde peýdalanmak bilen baglanyşykly esasy meseleleri ara alyp maslahatlaşdylar.

Halkara çäräniň çäklerinde şu mowzuklar boýunça pikir alyşyldy:

Ylmy diplomatiýa we tebigy baýlyklary dolandyrmak – suw we tebigy gorlary durnukly peýdalanmagyň çygrynda halkara hyzmatdaşlygyny ara alyp maslahatlaşmak.
Täze tehnologiýalar eýýamynda ylmy diplomatiýa – global sazlaşykda we ösüşde düýpli tehnologiýalaryň täsiri.
Açyk ylym we ylmy howpsuzlyk – ylmy bilimleri erkin ýaýratmagyň arasyndaky deňleşme we maglumatlary goramagyň zerurlygy.
Çökgünlik döwründe ylym – pandemiýalaryň, tebigy betbagtçylyklaryň we gapma-garşylyklaryň çäklerinde ylmy edaralary we gurluş birliklerini goramak.

Duşuşygyň netijeleri boýunça 2025-nji ýylyň 26-njy martynda Ministrleriň bilelikdäki ýüzlenmesi kabul edildi, onda gatnaşyjy ýurtlar ylym we tehnologiýalar çygrynda halkara hyzmatdaşlygyny ösdürmäge, ylmyň açyklyk ýörelgelerini we bilimlere deň elýeterliligi ilerletmäge, durnukly ösüşiň we parahatçylygyň guraly hökmünde ylmy diplomatiýany berkitmäge, şeýle hem çökgünlik döwründe ylmy edaralary we ylmy-barlag gurluş birliklerine goramaga ygrarlydyklaryny tassykladylar.

ÝUNESKO-nyň ylmy diplomatiýa boýunça global ministrler dialogyna Türkmenistanyň gatnaşmagy onuň halkara ylmy hyzmatdaşlyga işjeň gatnaşmaga ýykgyn edýändigini, şeýle hem ylmy barlaglaryň we diplomatiýanyň üsti bilen global meseleleri çözmäge durnukly goşant goşýandygyny tassyklaýar.

Türkmenistan ylym we tehnologiýalar babatda işjeň syýasaty alyp barmak bilen, ylmy diplomatiýa çygrynda halkara hyzmatdaşlygyna uly ähmiýet berýär. Ýurtda durnukly ösüşiň wajyp düzüm birligi hökmünde ylmy ösdürmeklige gönükdirilen başlangyçlar durmuşa ornaşdyrylýar, bu ÝUNESKO-nyň global maksatlaryna laýyk gelýär.

Bu dialogyň netijeleri dünýäniň çagyryşlaryny ýeňip geçmek üçin ylmyň we diplomatiýanyň birikdirlimegine gönükdirilen halkara hyzmatdaşlygynyň geljekgi strategiýalaryna esas bolup durýar.

Ylymlar güni mynasybetli “Kämil ylmy işgärler döwletimiziň ylmy kuwwatydyr” ylmy-amaly maslahat

2025-06-13 11:25:59

2025-nji ýylyň 5-nji iýunynda Türkmenistanyň Ylymlar akademiýasy Ylymlar güni mynasybetli “Kämil ylmy işgärler döwletimiziň ylmy kuwwatydyr” atly aspirantlaryň we doktorantlaryň ylmy-amaly maslahatyny geçirdi.

Ylmy maslahata Türkmenistanyň Ylymlar akademiýasynyň ylmy- barlag institutlarynyň alymlary we ýurdumyzyň ýokary okuw mekdeplerniň aspirantlary, doktorantlary we alymlyk derejelerine dalaşgärler gatnaşdylar. Maslahatyň dowamynda aspiratlar, doktorantlar we alymlyk derejelerine dalaşgärler özleriniň alyp barýan dissertasiýa işleriniň ylmy netijeleri boýunça pikir alyşdylar we Hormatly Prezidentimize we Gahryman Arkadagymyza ýurdumyzyň ylym-bilim ulgamyny ösdürmek, ýaş alymlaryň mynasyp neslini kemala getirmek ugrunda edýän ýadawsyz tagallalary üçin çäksiz alkyş aýtdylar.

Türkmenistanyň Zenanlar birleşiginiň ýanynda döredilen “Alym zenanlar“ merkezi ylmy maslahat geçirdi

2025-06-13 12:09:11

Ylymlar güni mynasybetli «Ylym-parahatçylygyň we rowaçlygyň binýady» atly ylmy maslahat geçirildi.

2025-nji ýylyň 5-nji iýunlynda Türkmenistanyň Zenanlar birleşiginiň Merkezi Geňeşi, Türkmenistanyň Zenanlar birleşiginiň ýanynda döredilen “Alym zenanlar“ merkezi, Türkmenistanyň Ylymlar akademiýasynyň Ilkinji Zenanlar guramasy bilen bilelikde Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutyndaYlymlar güni mynasybetli “Ylym-parahatçylygyň we rowaçlygyň binýady” atly ylmy-amaly maslahat geçirildi.

Maslahata Türkmenistanyň Ylymlar akademiýasynyň we ylmy-barlag institutlaryň alym zenanlary we ýurdumyzyň ýokary okuw mekdepleriniň mugallymlary, aspiratlar we Türkmenistanyň zenanlar birleşiginiň merkezi geňeşiniň hünärmenleri, şeýle-de Türkmenistanyň zenanlar birleşiginiň merkezi geňeşiniň ýanynda döredilen “Alym zenanlar“ merkeziniň işjeň agzalary gatnaşdylar. Maslahatyň dowamynda alym zenanlar türmen zenalarymyzyň ylymda ýeten sepgitleri, gazanan üstünlikleri dogrusynda pikir alyşdylar. “Türkmen alym zenanlarynyň ylymdaky orny”, “Türkmen zenanlarynyň ylmy jemgyýetçilikdäki orny”, “Taryh ylmynda alym zenanlarymyzyň goşandy”, “Türkmen edebiýatynda zenan mertebesi”, “Halkara ylmy hyzmatdaşlygy ösdürmekde zenan alymlarynyň orny” atly nutuklar bilen çykyş etdiler.

Maslahata gatnaşyjylar türkmen halkyny eşretli durmuşda ýaşadýan, ýurdumyzy ähli ulgamlar babatda ösüşiň belent sepgitlerine tarap alyp barýan, türkmen zenanlaryna aýratyn sarpa goýýan türkmen halkynyň Milli Lideri Gahryman Arkadagymyza we hormatly Prezidentimiz, Arkadagly Gahryman Serdarymyza çäksiz alkyş aýtdylar.

Ylymlar güni mynasybetli halkara maslahat

2025-06-16 16:12:16

12.06.2025

Tezisler: I tom II tom

Türkmenistanyň Oguz han adyndaky Inžener-tehnologiýalar uniwersitetinde ýurdumyzda giňden bellenilýän Ylymlar güni mynasybetli däp bolan “Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» atly halkara ylmy maslahat öz işine başlady.

Berkarar döwletiň täze eýýamynyň Galkynyşy döwründe bilim we ylym ulgamyny toplumlaýyn döwrebaplaşdyrmak Türkmenistanyň döwlet syýasatynyň ileri tutulýan ugurlarynyň biri bolup durýar. Bu ugurda bar bolan binýady pugtalandyrmak, ýokary bilimli hünärmenleri taýýarlamak ýurdumyzyň durnukly ösüşiniň, onuň täze sepgitlere ýetmeginiň möhüm şertidir. Şunuň bilen baglylykda, iň gowy dünýä tejribesiniň öwrenilmegine, daşary ýurtly hyzmatdaşlar bilen netijeli gatnaşyklaryň ösdürilmegine uly ähmiýet berilýär. Şunda döwletimiziň yzygiderli esasda alyp barýan bilim we ylym diplomatiýasy wajyp orny eýeleýär. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyz tarapyndan başy başlanan we hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilýän özgertmeler ylym ulgamyna halkara standartlaryň ornaşdyrylmagyna, bu ugurda öňde goýlan wezipeleriň üstünlikli çözülmegine gönükdirilendir.

Häzirki wagtda döwrüň talaplaryndan ugur alnyp, bilim işi we ylmy usulyýetler, okuw maksatnamalary kämilleşdirilýär. Degişli kanunçylyk-hukuk binýady yzygiderli berkidilýär, interaktiw, uzak aralykdan okatmagyň usullaryndan peýdalanmak üçin täze mümkinçilikler açylýar. Hemmetaraplaýyn döwlet goldawy esasynda binýatlaýyn nazary we amaly ylmy barlaglaryň gerimi giňeldilip, alymlaryň netijeli işlemegi üçin zerur şertler döredilýär, ugurdaş düzümler döwrebaplaşdyrylýar. Daşary ýurtlaryň ylmy-barlag merkezleri, halkara ylmy jemgyýetçilik bilen hyzmatdaşlygy mundan beýläk-de işjeňleşdirmek döwlet syýasatynyň aýrylmaz bölegidir. “Türkmenistanda ylym ulgamyny ösdürmegiň 2024 — 2052-nji ýyllar üçin Strategiýasy” we ony amala aşyrmak boýunça ýerine ýetirilmeli çäreleriň 2024 — 2028-nji ýyllar üçin Meýilnamasy bu babatda möhüm ähmiýete eýe boldy. Şunda bilimiň, ylmyň we önümçiligiň özara arabaglanyşykly bolmagyna aýratyn ähmiýet berilýär.

Tejribe alyşmak, ylmyň soňky gazananlaryny ara alyp maslahatlaşmak maksady bilen, Türkmenistanyň Ylymlar akademiýasy tarapyndan her ýylda guralýan bu iki günlük foruma türkmen alymlary bilen bir hatarda, Azerbaýjanyň, Russiýanyň, Özbegistanyň, Belarusuň, Bolgariýanyň, Gazagystanyň, Hytaýyň, Gyrgyzystanyň, Mongoliýanyň, Ukrainanyň, Türkiýäniň, Ermenistanyň, Kataryň, Alžiriň, Pakistanyň we beýleki ýurtlaryň Ylymlar akademiýalarynyň, ýokary okuw mekdepleriniň ýolbaşçylary hem-de wekilleri gatnaşýarlar.

Utgaşykly görnüşde geçirilýän halkara ylmy maslahatyň öňüsyrasynda oňa gatnaşyjylar innowasion tehnologiýalaryň sergisi bilen tanyşdylar. Bu gözden geçirilişde ylym-bilim ulgamynyň hemmetaraplaýyn döwrebaplaşdyrylmagyna aýratyn üns berýän Türkmenistanyň häzirki döwürdäki ösüşiniň ýokary derejesi aýdyň beýanyny tapýar. Sergide dürli pudaklaryň ösüşine goşant goşjak öňdebaryjy işläp taýýarlamalar we täze taslamalar görkezildi. Myhmanlar maglumat tehnologiýalary, biotehnologiýalar, ekologiýa ýaly ulgamlarda soňky gazanylanlar bilen tanyşmaga mümkinçilik aldylar.

Umumy mejlisiň başynda hormatly Prezidentimiz Serdar Berdimuhamedowyň maslahata gatnaşyjylara iberen Gutlagy okaldy. Döwlet Baştutanymyz foruma gatnaşyjylary Halkara parahatçylyk we ynanyşmak ýylynda giňden bellenilýän ajaýyp baýram — Ylymlar güni, şeýle hem «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» atly halkara ylmy maslahatyň öz işine başlamagy bilen tüýs ýürekden gutlap, bu maslahatyň alymlaryň ylmyň we tehnikanyň öňdebaryjy gazananlary babatda özara tejribe alyşmaklarynda örän uly ähmiýete eýe boljakdygyna ynam bildirdi. “Milli ykdysadyýetimizi innowasiýalar esasynda diwersifikasiýalaşdyrmak, sanlylaşdyrmak hem-de senagatlaşdyrmak ugrundaky işler bilen utgaşykly innowasiýalar we tehnologik ylymlar boýunça täze bilimleri, öňdebaryjy tejribeleri özleşdirmek, täze ylmy işläp taýýarlamalary, oýlap tapyş çözgütlerini milli ykdysadyýetimize ornaşdyrmak, bu ugurdaky halkara hyzmatdaşlygy giňeltmek üçin döwlet tarapyndan yzygiderli maliýe, maddy-tehniki goldawlary berýäris” diýip, hormatly Prezidentimiz Gutlagynda belleýär.

Soňra dünýäniň dürli ýurtlaryndan alymlar — Özbegistan Respublikasynyň Ylymlar akademiýasynyň wise-prezidenti Sirojiddin Mirzaýew, Belarus Respublikasynyň Milli ylymlar akademiýasynyň baş alym-kätibi Wasiliý Gurskiý, Gruziýanyň Milli ylymlar akademiýasynyň akademik-kätibi Wladimer Papawa, Ermenistan Respublikasynyň Milli ylymlar akademiýasynyň GDA ýurtlary bilen hyzmatdaşlyk boýunça bilermeni Geworg Wardanýan, Alžir uniwersitetiniň ylmy geňeşiniň başlygy Ferial Filali, Pakistanyň Ylym we tehnologiýa ministrliginiň ylmy geňeşçisi Zona Zaidi, şeýle hem sanly ulgam arkaly Azerbaýjanyň Milli ylymlar akademiýasynyň prezidenti Isa Gabibbeýli, Russiýa Federasiýasynyň Tatarystan Respublikasynyň Ylymlar akademiýasynyň prezidenti Rifkat Minnihanow, Russiýa Federasiýasynyň W.A.Almazow adyndaky Milli lukmançylyk ylmy-barlag merkeziniň Baş direktory Ýewgeniý Şlýahto öz çykyşlarynda wekilçilik edýän ylmy merkezleriniň işiniň esasy ugurlary barada gürrüň berdiler.

Ilki bilen, Azerbaýjanyň Milli ylymlar akademiýasynyň prezidenti sanly ulgam arkaly çykyş etdi. Ol çykyşynda türkmen-azerbaýjan ylmy gatnaşyklaryna ünsi çekdi. Nygtalyşy ýaly, soňky ýyllarda Türkmenistanda ylym, medeniýet we sungat uly sepgitlere ýetdi. Türkmenistan bilen Azerbaýjanyň alymlarynyň arasyndaky ylmy hyzmatdaşlyk ugurlaryň giň gerimini öz içine alyp, barha pugtalandyrylýar. Azerbaýjanda beýik türkmen şahyry Magtymguly Pyragynyň döredijiligi ylmy taýdan yzygiderli öwrenilip gelinýär. Şahyryň eserleri azerbaýjan dilinde birnäçe gezek neşir edildi. Türkmenistanyň we Azerbaýjanyň Ylymlar akademiýalarynyň işgärleriniň Magtymguly Pyragynyň 1913-nji ýylda Buharada çap edilen goşgular ýygyndysynyň esasynda şahyryň täze diwanyny çapa taýýarlamaklary we neşir etmekleri türkmen nusgawy edebiýatyny dünýä tanatmaga goşant boldy. Azerbaýjanyň Ylymlar akademiýasynyň Nyzamy Genjewi adyndaky golýazmalar institutynda Magtymguly Pyragy ylmy-barlag merkeziniň açylmagy iki ýurduň Ylymlar akademiýalarynyň arasyndaky gatnaşyklaryň işjeňleşdirilýändigine şaýatlyk edýär.

Çykyşlarda ylmyň we innowasiýalaryň häzirki zaman jemgyýetinde eýeleýän möhüm orny nygtaldy. Bu günki gün ylym biziň gündelik durmuşymyzyň aýrylmaz bölegine öwrüldi. Ylmyň gazananlary jemgyýetimize, ykdysadyýete, saglygy goraýşa we durmuşyň beýleki ulgamlaryna uly täsirini ýetirýär. Ylym biziň daşky dünýä baradaky garaýyşlarymyzy kemala getirip, derwaýys meseleleri çözmäge ýardam berýär we täze gözýetimleri açýar. Forumyň dowamynda sebit üçin möhüm meseleleriň biri bolan seýsmiki töwekgelçilige baha bermek we çaklamak bilen baglanyşykly alnyp barylýan ylmy-barlag işlerine-de üns berildi. Seýsmiki töwekgelçiliklere dogry we dürs baha bermek ýertitremeleriň döräp biläýjek zolaklaryny kesgitlemäge, zyýany azaltmak üçin netijeli çäreleri işläp düzmäge mümkinçilik berýär. Inženerçilik gözlegleri we seljerme çaklamalary ýertitremä garşy häzirki zaman tehnologiýalaryny ornaşdyrmaga mümkinçilik berýär. Şeýle hem çykyşlarda ykdysady ösüşi gazanmakda täze tehnologiýalaryň ähmiýetine üns çekildi. Bellenilişi ýaly, häzirki wagtda täze tehnologiýalar innowasion ykdysadyýetiň ösüşinde esasy şertleriň biri bolup çykyş edýär. Sanlylaşdyrmak, awtomatlaşdyrmak, emeli aň ýaly ylmyň soňky gazananlary diňe bir täze infrastrukturany kemala getirmek bilen çäklenmän, eýsem, ykdysady ösüşiň ugruny hem kesgitleýär.

Täze tehnologiýalaryň önümçilige ornaşdyrylmagy, önümçilik amallarynyň awtomatlaşdyrylmagy, robototehnikanyň ulanylmagy zähmet öndürijiligini ýokarlandyrmaga, serişdeleri netijeli peýdalanmaga we bazar özgertmelerine uýgunlaşmaga ýardam berýär. Häzirki zaman tehnologiýalary täze işewürlik nusgalarynyň döremegine-de itergi berýär. Elektron söwdanyň, platforma çözgütleriniň, sanly hyzmatlaryň we maliýe tehnologiýalarynyň ösüşi innowasion önümleri döretmek, maýa goýumlary çekmek üçin mümkinçilikleri açýar. Şunuň bilen birlikde, täze tehnologiýalar ylym, bilim, lukmançylyk ulgamlaryny ösdürmäge, netijede bolsa, uzak möhletleýin esasda ykdysady kuwwaty artdyrmaga ýardam berýär. Ylmy barlaglara, işläp taýýarlamalara maýa goýumlary gönükdirmek täze tehnologik sepgitlere ýetmäge we ählumumy innowasion giňişlikde öňdäki orunlary eýelemäge şert döredýär. Çykyş edenler täze tehnologiýalaryň diňe bir ykdysadyýeti döwrebaplaşdyrmagyň guraly bolman, eýsem, häzirki zaman dünýäsinde durnukly ösüşi, bäsdeşlige ukyplylygy we jemgyýetiň abadançylygyny üpjün etmäge ýardam berýän hereketlendiriji güýçdügini hem nygtadylar.

Forumda häzirki wagtda Türkmenistanyň başlangyjy bilen täzeden dikeldilýän Beýik Ýüpek ýolunyň ähmiýeti barada aýdyldy. Ýewropa, Aziýa we Afrika ýurtlaryny ulag, infrastruktura, ykdysady geçelgeler bilen baglanyşdyrýan bu giň möçberli transmilli taslama ýurtlara söwdany ösdürmäge ýardam bermek bilen, bilim, innowasion tehnologiýalary we medeni gymmatlyklary alyşmak üçinem möhüm köprä öwrülýär. Beýik Ýüpek ýoly boýunça ulag we logistika ugurlarynyň ösdürilmegi oňa gatnaşyjylara haryt dolanyşygyny çaltlandyrmaga, eksportyň, importyň netijeliligini ýokarlandyrmaga mümkinçilik berýär. Demir ýollaryň, portlaryň we logistika merkezleriniň gurluşygynda ulanylýan öňdebaryjy tehnologiýalar ugurdaş pudaklary döwrebaplaşdyrmaga, taslama gatnaşyjy ýurtlaryň arasynda tejribe alyşmaga ýardam edýär. Umuman, Beýik Ýüpek ýoly özara bähbitli ykdysady hyzmatdaşlygyň kuwwatly hereketlendirijisi hökmünde dünýä ykdysadyýetiniň we medeniýetiniň ösüşine uly goşant goşýan özboluşly taslamadyr.

Maslahatda Garaşsyz Döwletleriň Arkalaşygyna agza ýurtlaryň arasyndaky ylmy hyzmatdaşlygyň häzirki ýagdaýy we ony ösdürmegiň mümkinçilikleri barada-da durlup geçildi. Bellenilişi ýaly, bu hyzmatdaşlyk köp ulgamlary, şol sanda fizika, himiýa, biologiýa, lukmançylyk, maglumat tehnologiýalary ýaly ugurlary öz içine alyp, GDA-da ylmyň we tehnologiýalaryň ösüşine ýardam berýän esasy şertleriň biri bolup çykyş edýär. Bilelikdäki ylmy-barlag taslamalarynyň durmuşa geçirilmegi GDA-nyň çägindäki ylmy hyzmatdaşlygyň ileri tutulýan ugurlarynyň biridir. Şeýle başlangyçlar biziň ýurtlarymyzyň intellektual kuwwatyny birleşdirmäge mümkinçilik berýär, bu bolsa, öz gezeginde, ylmy barlaglaryň netijeliligini ýokarlandyrýar.

Dürli ýurtlaryň alymlarynyň gatnaşmagynda geçirilýän halkara maslahatlar ylmy hyzmatdaşlygy ösdürmekde möhüm ähmiýete eýedir. Bu çäreler bilim we tejribe alyşmak üçin netijeli meýdança bolup, täze ylmy garaýyşlary ilerletmäge, hünär gatnaşyklaryny pugtalandyrmaga ýardam berýär. Şunuň bilen baglylykda, GDA-da ylmy hyzmatdaşlygyň ösdürilmeginiň sebitiň ýurtlarynyň ylmy kuwwatyny pugtalandyrmagyň ýolunda wajyp ädim bolup durýandygy nygtaldy. Tagallalaryň birleşdirilmegi we bilelikdäki taslamalaryň durmuşa geçirilmegi Arkalaşygyň ýurtlarynyň ylmy-tehnologik mümkinçilikleriniň dünýä giňişliginde bäsdeşlige ukyplylygyny ýokarlandyrmaga itergi berer. Howanyň üýtgemegi ýaly ählumumy wehimler bilen baglylykda, ylmy hyzmatdaşlyk sebitde durnukly ösüşiň zerur şerti bolup durýar.

Umumy mejlisiň ahyrynda oňa gatnaşyjylar ylmy hyzmatdaşlygyň mundan beýläk-de ösdüriljekdigine ynam bildirip, forumyň ýokary guramaçylyk derejesi hem-de döredilen şertler üçin hormatly Prezidentimize we Gahryman
Arkadagymyza hoşallyklaryny beýan etdiler.

Günüň ikinji ýarymynda «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» atly halkara ylmy maslahata gatnaşyjylar Türkmenistanyň ýaşlarynyň arasynda yglan edilen ylmy işler boýunça bäsleşigiň ýeňijilerini sylaglamak dabarasynyň, şeýle hem Ylymlar güni mynasybetli baýramçylyk konsertiniň hormatly myhmanlary boldular.

13-nji iýunda halkara ylmy maslahat Ýagşygeldi Kakaýew adyndaky Halkara nebit we gaz uniwersitetinde “Nanotehnologiýalar, himiki tehnologiýalar, täze materiallary öwrenmek we energetika”; Türkmenistanyň Ylymlar akademiýasynyň Halkara ylmy-tehnologiýa parkynda “Biotehnologiýa, molekulýar biologiýa, oba hojalygy, ekologiýa we genetika”; Türkmenistanyň Telekommunikasiýalar we informatika institutynda “Maglumat we aragatnaşyk ulgamlary, kompýuter tehnologiýalary”; Myrat Garryýew adyndaky Türkmenistanyň Döwlet lukmançylyk uniwersitetinde “Häzirki zaman lukmançylyk we derman serişdelerini öndürmek tehnologiýalary”; Türkmen döwlet ykdysadyýet we dolandyryş institutynda “Innowasion ykdysadyýet”; Magtymguly adyndaky Türkmen döwlet uniwersitetinde “Ynsanperwer ylymlar”; Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynda “Milli miras we taryhy kökler — Türkmenistanyň bitaraplyk syýasatynyň binýady” atly bölümçelerde öz işini dowam eder. Daşary ýurtly myhmanlar üçin paýtagtymyzyň muzeýleri we beýleki gözel ýerleri bilen tanyşlygy öz içine alýan medeni maksatnama taýýarlanyldy.

Türkmenistanyň Ylymlar akademiýasy “Ählumumy parahatçylygyň we ynanyşmagyň berkemeginde ylmyň orny” atly ylmy maslahat geçirildi

2025-09-12 12:22:56

2025-nji ýylyň "Halkara parahatçylyk we ynanyşmak ýyly" diýlip yglan edilmegi hem-de Türkmenistanyň hemişelik Bitaraplygynyň şanly 30 ýyllygy mynasybetli 2025 nji ýylyň 10 njy sentýabrynda Türkmenistanyň Ylymlar akademiýasynda Türkmenistanyň Daşary işler hem-de Bilim ministrlikleri, ÝUNESKO-nyň işleri barada Türkmenistanyň Milli topary, Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde "Ählumumy parahatçylygyň we ynanyşmagyň berkemeginde ylmyň orny" atly ylmy maslahat geçirildi.

CirculEC taslamasy Merkezi Aziýada geçirilýän WP7 monitoring saparlary arkaly hil we hyzmatdaşlygy güýçlendirýär

2025-11-19 09:51:30

"Gaýtadan işlemek tapgyrly ykdysadyýet we durnukly ösüş boýunça innowasion okuw maksatnamalaryny we modullaryny işläp taýýarlamak" (CirculEC) atly taslama Merkezi Aziýada WP7 çäklerinde geçirilen monitoring saparlary arkaly hil we hyzmatdaşlygy güýçlendirýär.

Sene: 2025-nji ýylyň 12-nji noýabry.

Geçirilen ýeri: Aşgabat şäheri.

Guramaçy: CirculEC Taslama Konsorsiumy.

Erasmus+ CBHE Taslama № 101129169.

Taslamanyň ady: "Gaýtadan işlemek tapgyrly ykdysadyýet we durnukly ösüş boýunça innowasion okuw maksatnamalaryny we modullaryny işläp taýýarlamak" (CirculEC).

Maksat: Merkezi hyzmatdaşlarynda modullaryň synag ýerine ýetirilişini utgaşdyrmak we gözegçilik. WP7 – monitoring saparlaryna başlaýar.

Iş görnüşi: garyşyk (onlaýn we oflaýn).

Erasmus+ CirculEC taslamasy açyklyk, hyzmatdaşlyk we akademiki ýokary hilli üpjün etmek borçnamasynyň bir bölegi hökmünde Iş paketi 7 (WP7) – ýerlerde monitoring we hil kepillendirme tapgyryna resmi ýagdaýda gadam goýdy.

Erasmus+ CirculEC taslamasy açyklyk, hyzmatdaşlyk we akademiki kämilligi üpjün etmek maksady bilen Iş bukjasy 7 (WP7) – Ýerinde monitoring we hil kepillendirme tapgyryna resmi girişdi.

WP7, CirculEC çäklerinde alnyp barylýan ähli işler — okuw maksatnamalarynyň taýýarlanylmagy, mugallymlaryň okadylyşy we pilot okuwlaryň geçirilmegi — Ýewropa Bileleşiginiň Erasmus+ Maksatnamasynyň ýokary hil talaplaryna laýyk ýerine ýetirilmegini üpjün edýän iň möhüm mehanizmleriň biridir.

EKTU-daky CirculEC taslamasynyň utgaşdyryjysy Madina Ýusubaliýewa “Monitoring saparlary ösüşi bahalandyrmak, tejribe alyşmak we ähli hyzmatdaş uniwersitetleriň durnukly ösüş ugurly umumy maksatlarda bilelikde ösüşini üpjün edýän möhüm mümkinçilikdir” diýip belledi.

WP7-niň Baş Maksatlary

• Ýerine ýetirilişi bahalandyrmak: Ykdysadyýeti dolandyryş we durnukly ösüş boýunça täze modullaryň taýýarlanylyşy we ornaşdyrylyşy boýunça hyzmatdaş uniwersitetleriň ösüş derejesini seljermek.
• Görnüş bermek we maslahat bermek: Erasmus+ CBHE talaplaryna laýyklykda işleriň dogry alnyp barylmagyna ýardam bermek.
• Hil kepillendirmesi: Akademiki, administratiw we maliýe dolandyryşy boýunça amallaryň degişli uniwersitetlerde dogry ýerine ýetirilýändigini barlamak.
• Hyzmatdaşlygy güýçlendirmek: Ýewropa we Merkezi Aziýanyň ýokary okuw mekdepleriniň arasynda açyk dialogy, tejribe alyşmagy we institusional mümkinçilikleri ösdürmek.

2025-nji ýylda geçirilen üstünlikli monitoring saparlary:

• Täjigistan Söwda Uniwersiteti: Modul taýýarlanylyşy we pilot okuwlaryň netijeleri gözden geçirildi.
• Taşkentdäki Westminster Halkara Uniwersiteti (Özbegistan): Mugallymlaryň taýýarlygynyň derejesi we ykdysadyýeti dolandyryş dersleriniň akademiki programma ornaşdyrylyşy seljerildi.
• Qaragandı Kazpotrebsoyuz Uniwersiteti (Gazagystan): Ýaýratma işleri we talyp gatnaşygynyň netijeleri bahalandy.

Bu saparlaryň dowamynda uniwersitetleriň professor-mugallymlary, talyplary we administratiw işgärleri bilen bilelikdäki duşuşyklar geçirilip, kynçylyklar, üstünlikler we geljek üçin meýilnamalar ara alnyp maslahatlaşyldy.

Yzygiderli kämilleşmäge ygrarlylyk.

Santiago-de-Kompostela Uniwersitetiniň wekilleri “Monitoring saparlary diňe bir barlag däl — olar pikir alyşmak, ösüşi paýlaşmak we bilelikde kämilleşmek üçin döredilen dialogdyr. WP7 arkaly biz CirculEC taslamasynyň diňe ýerine ýetirilmegini däl, eýsem onuň hyzmatdaş uniwersitetleriň işine doly ornaşmagyny hem üpjün edýäris.” diýip bellediler.

Bu saparlardan alnan netijeler taslamanyň içerki hil ulgamyny berkitmäge ýardam edýär, okuw serişdeleriniň we dolandyryş amallarynyň 2026-njy ýyldaky jemleýji tapgyrdan öň kämilleşdirilmegine goşant goşýar.

CirculEC barada.

CirculEC taslamasy (2023–2026), Ýewropa Bileleşiginiň Erasmus+ Maksatnamasy tarapyndan maliýeleşdirilýär we Merkezi Aziýada ýokary bilimi döwrebaplaşdyrmak hem-de aýlanma ykdysadyýet we durnukly ösüş ugurlarynda innowasion okuw maksatnamalaryny ornaşdyrmak maksadyny durmuşa geçirýär.

Konsorsiumyň düzümine Germaniýadan (FHM), Ispaniýadan (Santiago-de-Kompostela Uniwersiteti), Italiýadan (Neapol Federiko II Uniwersiteti) hem-de Gazagystan, Özbegistan, Täjigistan we Türkmenistandan hyzmatdaş ýokary okuw mekdepleri girýär.

Has giňişleýin maglumat üçin:
Taslamanyň resmi sahypasy: https://circulec.tguk.tj/project.php

Türkmenistanyň Oguz han adyndaky Inžener-tehnologiýalar uniwersiteti Aziýa uniwersitetleriniň arasynda iň gowy sekizlige saýlandy

2026-01-21 11:36:51

Hormatly Prezidentimiziň ýolbaşçylygynda ýurdumyzda ylym we bilim ulgamyny düýpli döwrebaplaşdyrmak, ýurdumyzyň ýokary okuw mekdeplerini dünýäniň abraýly uniwersitetleriniň sanawyna goşulmagyny üpjün etmek ugrunda durmuşa geçirilýän özgertmeler özüniň ajaýyp miwelerini berýär. Şu gün dünýäniň ýokary okuw mekdeplerini bahalandyrýan THE Times Higher Education guramasynyň resmi saýtynyň (theawardsasia.com) habar bermegine görä Türkmenistanyň Oguz han adyndaky Inžener-tehnologiýalar uniwersiteti Aziýanyň iň abraýly halkara baýraklarynyň biri bolan “THE Awards Asia 2026” bäsleşiginiň gysga sanawyna, ýagny iň gowy uniwersitetleriň 8-ligine “Ýylyň STEM ylmy-taslamasy” (STEM Research Project of the Year) ugry boýunça saýlandy. Aziýa sebitiniň uniwersitetleri tarapyndan 500-den gowrak işiň gatnaşmagynda geçirilen bu bäsleşikde, 10 sany ugur boýunça iş alyp baran diňe iň gowy 8 sany uniwersitetleriň "gysga sanawy" (shortlist) yglan edildi. Bu sanawda ýurdumyz bilen bir hatarda Ýaponiýa, Singapur, Günorta Koreýa, Taýland, Malaýziýa, Türkiýe, Hindistan we Gonkong ýaly ylmy-tehnologik taýdan ösen döwletleriň iň gowy ýokary okuw mekdepleri bar. Bellärlikli tarapy, Türkmenistanyň Oguz han adyndaky Inžener-tehnologiýalar uniwersiteti bu uly sepgide eýýäm ikinji gezek ýetmegi başardy. Uniwersitet 2024-nji ýylda hem Merkezi Aziýada ilkinji bolup bu sanawa girdi. 2026-njy ýyldaky bu täze üstünlik bolsa, Türkmenistanda ylmyň durnukly ösüşiniň nobatdaky subutnamasy bolup durýar. Uniwersitetiň ýaş alymlary tarapyndan taýýarlanan “Howply galyndylary ýokary arassalykdaky gipse öwürmek: durnukly materiallary öwrenmek ylmynda täze öwrülişik” atly ylmy işi dünýäniň bilermenleriniň ünsüni çekdi. UniRank-2026 maglumatlaryna görä, Aziýada 6300-den gowrak ýokary okuw mekdebi bar. “THE Awards Asia” baýragynyň gysga sanawyna ikinji gezek girmegi, Türkmenistanyň Oguz han adyndaky Inžener-tehnologiýalar uniwersitetiniň çalt depginler bilen ösýändigini we dünýä derejesinde bäsleşige ukyplydygyny görkezýär. Bäsleşigiň ýeňijileri 2026-njy ýylyň 22-nji aprelinde Gonkongda geçiriljek Aziýa uniwersitetleriniň sammitiniň dowamynda yglan ediler. Türkmenistanyň Oguz han adyndaky Inžener-tehnologiýalar uniwersitetiniň bu gazanan üstünligi Türkmenistanyň ýokary okuw mekdepleriniň dünýäniň ylym we tehnologiýa giňişliginde mynasyp orun eýeleýändigini ýene bir gezek dünýä jemgyýetçiligine aýan etdi. Şeýle döwrebap bilim şertlerini döredip berýän Hormatly Prezidentimiziň we Gahryman Arkadagymyzyň janlary sag, ömürleri uzak, tutumly işleri elmydama rowaç bolsun!

“Garaşsyz baky Bitarap Türkmenistan- bedew batly at-myradyň mekany ýylynda Hormatly Prezidentimiziň ylym syýasaty dabaralanýar” atly hoşallyk maslahaty

2026-01-22 10:08:57

Hormatly Prezidentimiziň 2026-njy ýylyň 16-njy ýanwarynda gol çeken PB-1559 belgili Buýrugyna laýyklykda, 2026-njy ýylda ylmyň ugurlary boýunça aspirantura kabul ediljek aspirantlaryň hem-de alymlyk derejelerine dalaşgärlige hasaba alynjak dalaşgärleriň, şeýle-de kliniki ordinatura kabul ediljek ordinatorlaryň sany tassyklandy. Şol mynasybetli 2026-njy ýylyň 17-nji ýanwarynda Türkmenistanyň Ylymlar akademiýasynyň uly mejlisler jaýynda “Garaşsyz baky Bitarap Türkmenistan- bedew batly at-myradyň mekany ýylynda Hormatly Prezidentimiziň ylym syýasaty dabaralanýar” atly hoşallyk maslahaty geçirildi. Maslahata Türkmenistanyň Ylymlar akademiýasynyň ylmy-barlag institutlarynyň alymlary, ylmy işgärleri we aspirantlary, doktorantlary şeýle-de ýokary okuw mekdepleriniň professor mugallymlary gatnaşdylar. Maslahatyň dowamynda çykyş edenler Gahryman Arkadagymyza, Hormatly Prezidentimize we ýurdumyzyň ylym-bilim ulgamyny ösdürmek, akademiki ylmyň maddy-tehniki we işgärler binýadyny pugtalandyrmak, ýaş alymlaryň mynasyp neslini kemala getirmek ugrunda edýän ýadawsyz tagallalary üçin çäksiz alkyş aýtdylar.

Türkmenistanyň Ylymlar akademiýasy utgaşykly görnüşde geçirilýän "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar

2026-01-26 13:36:31

Türkmenistanyň Ylymlar akademiýasy 2026-njy ýylyň 12–13-nji iýunynda Ylymlar güni mynasybetli Aşgabat şäherinde utgaşykly görnüşde geçirilýän "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar.

Ylmy maslahatyň iş dilleri: türkmen, iňlis we rus.

Ylmy maslahatyň tematiki ugurlary:

1. Nanotehnologiýalar, himiki tehnologiýalar, täze materiallary öwrenmek we energetika;

2. Biotehnologiýa, molekulýar biologiýa, oba hojalygy, ekologiýa we genetika;

3. Maglumat we aragatnaşyk ulgamlary, kompýuter tehnologiýalary;

4. Häzirki zaman lukmançylygy we derman serişdelerini öndürmek tehnologiýalary;

5. Innowasion ykdysadyýet;

6. Ynsanperwer ylymlar.

Ylmy maslahatyň HABARNAMASY.

Maslahata gatnaşmak üçin bildirilýän ŞERTLER.

Ylmy makala we annotasiýa degişli TALAPLAR.

Gysgaça beýan we annotasiýanyň MYSALY.

Ylmy maslahata gatnaşmak üçin degişli resminamalar, nutuklaryň gyçgaça beýanlary we annotasiýalary 2026-njy ýylyň 31-nji martyna çenli kabul edilýär.

Düzgünlere laýyk gelmeýän we bellenilen möhletden soň tabşyrylan işlere garalmaýar we olar çap edilmeýär.

Türkmenistanyň Ylymlar akademiýasynyň salgysy: Aşgabat şäheri, Bitarap Türkmenistan şaýoly, 15.

Habarlaşmak üçin telefon belgileri: +993 12 94-13-37.

Halkara ylmy maslahatyň Guramaçylyk topary

Aspirantlar, doktorantlar bilen ylmy-amaly maslahat geçirilidi

2026-03-17 16:00:29

2026-njy ýylyň 13-nji martynda Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň mejlisler jaýynda “Berkarar Watanymyzda ylmyň täze gazananlaryny durmuşa ornaşdyrmakda ylmy işgärleriň orny” atly aspirantlaryň, doktorantlaryň we alymlyk derejelerine dalaşgärleriň ylmy-amaly maslahaty geçirildi.

Ylmy maslahata Türkmenistanyň Ylymlar akademiýasynyň ylmy- barlag institutlarynyň aspirantlary, ýurdumyzyň ýokary okuw mekdeplerniň aspirantlary, doktorantlary we dalaşgärleri gatnaşdylar. Maslahatyň dowamynda aspiratlar, doktorantlar özleriniň alyp barýan dissertasiýa işleriniň ylmy netijeleri boýunça pikir alyşdylar we Hormatly Prezidentimize we Gahryman Arkadagymyza ýurdumyzyň ylym-bilim ulgamyny ösdürmek, akademiki ylmyň maddy-tehniki we işgärler binýadyny pugtalandyrmak, ýaş alymlaryň mynasyp neslini kemala getirmek ugrunda edýän ýadawsyz tagallalary üçin çäksiz alkyş aýtdylar.

TYA

Türkmenistanyň Ylymlar akademiýasy Halkara Bäsleşik yglan edýär

Türkmenistan Ylymlar akademiýasy halkara bäsleşigini gaýtadan yglan etdýär

Türkmenistan Ylymlar akademiýasy halkara bäsleşigini gaýtadan yglan etdýär

Türkmenistanyň Ylymlar akademiýasy hoşallyk maslahatyny geçirdi

Türkmenistanyň Ylymlar akademiýasy we Özbegistan Respublikasynyň Innowasion ösüş ministrligi başlangyç ylmy-barlag taslamalarynyň bilelikdäki bäsleşigini yglan edýär

«Arkadag Serdarly bagtyýar ýaşlar ýyly» mynasybetli ýaşlaryň arasynda ylmy işler boýunça «Ýokary tehnologiýalar we innowasion işläp taýýarlamalar» atly halkara bäsleşiginiň geçirilýändigi barada

«Geçiş ykdysadyýetli döwletler üçin senagat telekeçiligini dolandyrmakda magistr maksatnamasyny kämilleşdirmek» MIETC boýunça işler ýerine ýetirildi

Türkmenistanyň Ylymlar akademiýasy 2024-nji ýylyň 12 – 13-nji iýunynda Aşgabat şäherinde Türkmenistanyň Ylymlar gününe bagyşlanyp gibrid görnüşde geçirilýän halkara ylmy konferensiýa gatnaşmaga çagyrýar

"YLYMLAR GÜNI" MYNASYBETLI GEÇIRILÝÄN "BERKARAR DÖWLETIŇ TÄZE EÝÝAMYNYŇ GALKYNYŞY DÖWRÜNDE YLYM, TEHNIKA WE INNOWASION TEHNOLOGIÝALAR" ATLY HALKARA YLMY MASLAHATA GATNAŞMAGYŇ ŞERTLERI

NUTUKLARYŇ GYSGAÇA BEÝANLARYNA WE ANNOTASIÝALARYNA BILDIRILÝÄN TALAPLAR

Ewropa Bileleşiginiň Erazmus + Maksatnamasy “CirculEC” Taslamasy Türkmenistanda üstünlikli başlandy

Türkmenistanyň uniwersitetleriniň we Ylymlar akademiýasynyň işgärleri Ewropa Bileleşiginiň ERAZMUS + maksatnamasynyň “CirculEc” taslamasynyň çäginde EB-niň ýurtlaryna baryp gördüler.

Türkmenistanyň Ylymlar akademiýasy Türkmenistan bilen ÝB-iň hyzmatdaşlygynyň 30 ýyllygyna bagyşlanan çärä gatnaşdy

Ylymlar güni mynasybetli “Ýokary derejeli ylmy işgärleri taýýarlamak berkarar watanymyzyň durmuş-ykdysady ösüşiniň aýdyň kepilidir” atly dabaraly maslahat geçirildi

Ylym — Türkmenistanyň okgunly ösüşiniň binýady

«Innowasiýalar, täze tehnologiýalar we olary önümçilige ornaşdyrmagyň meseleleri» atly III türkmen-hytaý ylmy-innowasion forumy

Türkmenistanyň Ylymlar akademiýasynda 2024-nji ýylyň 17-nji dekabrynda “Gahryman Arkadagymyzyň “Hakyda göwheri” – ylymlaryň şamçyragydyr” atly ylmy-amaly maslahat geçirildi

Türkmenistanyň Ylymlar akademiýasy "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar

“ALYM ZENANLARYŇ TÜRKMEN YLMYNY ÖSDÜRMEKDÄKI HYZMATY” ATLY YLMY MASLAHAT GEÇIRILDI

Türkmenistanyň Ylymlar akademiýasynyň prezidenti ÝUNESKO-nyň ylmy diplomatiýa boýunça global ministrler dialogyna gatnaşdy

Ylymlar güni mynasybetli “Kämil ylmy işgärler döwletimiziň ylmy kuwwatydyr” ylmy-amaly maslahat

Türkmenistanyň Zenanlar birleşiginiň ýanynda döredilen “Alym zenanlar“ merkezi ylmy maslahat geçirdi

Ylymlar güni mynasybetli halkara maslahat

Türkmenistanyň Ylymlar akademiýasy “Ählumumy parahatçylygyň we ynanyşmagyň berkemeginde ylmyň orny” atly ylmy maslahat geçirildi

CirculEC taslamasy Merkezi Aziýada geçirilýän WP7 monitoring saparlary arkaly hil we hyzmatdaşlygy güýçlendirýär

Türkmenistanyň Oguz han adyndaky Inžener-tehnologiýalar uniwersiteti Aziýa uniwersitetleriniň arasynda iň gowy sekizlige saýlandy

“Garaşsyz baky Bitarap Türkmenistan- bedew batly at-myradyň mekany ýylynda Hormatly Prezidentimiziň ylym syýasaty dabaralanýar” atly hoşallyk maslahaty

Türkmenistanyň Ylymlar akademiýasy utgaşykly görnüşde geçirilýän "Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar" atly halkara ylmy maslahata gatnaşmaga çagyrýar

Aspirantlar, doktorantlar bilen ylmy-amaly maslahat geçirilidi