Türkmenistanyň Prezidentiniň ýanyndaky Ylym we tehnika baradaky Yokary geňeş Türkmenistanyň Prezidentiniň 16.02.93ý. N1193 Karary bilen döredildi.
Türkmenistanyň Prezidentiniň 1.02.95 ý. -N2085 Karary bilen Türkmenistanyň Prezidentiniň ýanyndaky Ylym we tehnika baradaky Ýokary geňeşe döwlet edarasynyň statusy berildi.
Türkmenistanyň Prezidentiniň 12.06.2007ý. N8699 Karary bilen Türkmenistanyň Prezidentiniň ýanyndaky Ylym we tehnika baradaky Ýokary geňeşiň üstüne, döwletiň ylmy-tehniki syýasatyny durmuşa geçirmekligi üpjün etmek wezipesi ýüklendi. Ýokary geňeşiň täze düzümi Ýokary geňeş hakyndaky Düzgünnama, ylmy we tehnikany ösdürmegiň ileri tutulýan ugurlarynyň sanawy edarasynyň gurluşy, Ýokary geňeşiň garamagyndaky edaralaryň sanawy, Türkmenistanyň Prezidentiniň ýanyndaky Ylym we tehnika baradaky ýokary geňeşiň garamagyndaky Türkmenistanyň Ýokary hünär synagy komiteti hakyndaky Düzgünnama, Türkmenistanyň Prezidentiniň ýanyndaky Ylym we tehnikia gaznasy hakyndaky Düzgünnama tassyklanyldy.
Ýokary geňeşiň esasy wezipeleri:
- Döwletiň ylmy-tehniki syýasatynyň durmuşa geçirilmegini üpjün etmek;
- Ylmyň, tehnikanyň we tehnologiýalaryň ösüşini çaklamak we olaryň ileri tutulýan ugurlaryny kesgitlemek;
- Döwletimizde we dünýäde ylmyň gaznanlaryny önümçilige ornaşdyrmagy gazanmak we ylmy-tehniki makasatnamalary utgaşdyrmak;
- Düýpli we amaly ähmiýetli ylmy baralaglary, tejribe-konstruktorçylyk we tehnologik barlaglary ýörite maliýeleşdirmek;
- Ylmy edaralaryň, kärhanalaryň we guramalaryň maddy-enjamlaýyn binýadyny berkitmek;
- Ylymlaryň doktory alymlyk derejesini bermek hakyndaky tekliplere garamak;
- Ylmy maglumatlar ulgamyny döretmek we milli ylym-bilim internet ulgamynyň işlemegini üpjün etmek;
- Ylmy-barlag maglumatlarynyň we tejribe-konstruktorçylyk işleriniň elektron binýadyny döretmek;
- Ylym we tehnika babatda halkara hyzmatdaşlygyny ösdürmek.
Ýokary geňeşe ýüklenen wezipeleri onuň apparaty üpjün edýär. Onuň apparaty 5 bölümden ybarat:
- Ylmy ugurlary çaklaýyş we halkara gatnaşyklarynyň ösüşi bölümi;
- Seljeriş we täze tehnologiýalar bölümi;
- Işgärler we aspirantura bölümi;
- Maliýe-ykdysady bölümi;
- Hojalyk bölümi.
Ýokary geňeşiň düzümine:
- Ylym we tehnika gaznasy;
- Türkmenistanyň milli ylym-bilim internet ulgamyny işletmek we ösdürmek merkezi;
- Ylmy edaralaryň, kärhanalaryň we guramalaryň pudaklaýyn arhiwi girýärler.
Ýokary geňeş ustüne ýüklenen wezipelere laýyklykda:
- ylmy barlaglary ýerine ýetirmek üçin Türkmenistanyň Ylym we tehnika gaznasynyň serişdeleriniň hasabyna bäsleşikleri geçirýär, hödürlenen ylymy taslamalary seljerýär hem-de maliýeleşdirmeli taslamalaryň sanawyň kesgitleýär we tassyklaýar;
- Türkmenistanda ylmy we tehnikany ösdürmek üçin goýberilen döwlet serişdeleriniň bellenilen maksada peýdalanylyşyna gözegçilik edýär;
- Türkmenistanyň Ylym we tehnika gaznasynyň gazna saklaýjysy bolup durýar;
- pudak tabynlygyna garamazdan, Türkmenistanyň ylmy, ylmy-barlag edaralarynyň we guramalarynyň işini düzgünleşdirýär we oňa gözegçilik edýär;
- ylmy edarlarda, kärhanalarda, guramalarda doktoranturalary we aspiranturalary açýar;
- Türkmenistanyň Ýokary hünär synagy komitetiniň düzümini, onuň edarasynyň işgärleriniň aýlyk iş haky goruny we çykdajy sanawy tassyklaýar;
- Türkmenistanyň Ýokary hünär synagy komitetiniň işine gözegçilik edýär;
- Türkmenistanyň Ýokary hünär synagy komitetiniň prezidiumynyň towakganamasy esasynda ylymlaryň doktory alymlyk derejesini berýär;
- Türkmenistanyň Ylym we tehnika gaznasynyň, ministrlikleriň, pudaklaýyn we beýleki edaralaryň, kärhanalaryň we guramalaryň, şeýle hem daşary ýurt we halkara guramalarynyň we gaznalarynyň hasabyna maliýeleşdirilýän ylmy işleriň döwlet tarapyndan hasaba alynmagyny bellenilen'tertipde üpjün edýär;
- Türkmenistana getirilýän daşary ýurt tehnologiýalaryny seljerýär;
- ylmy işgärleri taýýarlamaga we olary hünär synagyndan geçirmäge ýolbaçylyk edýär, ýaş alymlaryň kämilleşmegini şol sanda dünýäniň esasy ylmy merkezlerinde hünärlerini ýokarlandyrmagyny guraýar;
- ylmy işleriň bäsleşigini guraýar;
- Türkmenistanyň Ministrler Kabinetine ylmy, ylmy-barlag edaralary, kärhanalary, guramalary, ylmy-önümçilik birleşiklerini döretmek, täzeden guramak we ýapmak barada teklipleri hödürleýär;
- her ýyl Türkmenistanyň Prezidentine Türkmenistanda ylmy we tehnikany ösdürmekde gazanylan netijeler hakynda giňişleýin maglumatlary taýýalaýar;
- ylmyň we tehnikanyň gaznanlaryny wagyz edýär.
